July 29–August 4
PSALM 69
Ihuan 13 Kevbe Erhunmwu | Ẹmwẹ Ọghe Omuso (Ifuanro 1)
1. Vbene Psalm 69 Ya Ta Emwi Eso Ni Khian Sunu Vbe Ẹdagbọn E Jesu
(Ifuanro 10)
Emwa kegha khuiwu Jesu agharhemiẹn wẹẹ, ọ ma ru emwi rhọkpa (Psm 69:4; Jọn 15:24, 25; w11 8/15 11 ¶17)
Te Jesu wa rhiegba ye ugamwẹ ẹmwata (Psm 69:9; Jọn 2:13-17; w10 12/15 8 ¶7-8)
Jesu kegha rre uwu obalọ, iran na vbe mu ayọn na ya emwi nọ rhiara gua nẹẹn (Psm 69:20, 21; Mat 27:34; Luk 22:44; Jọn 19:34; g95 10/22 31 ¶4; it-2 650)
EMWI NỌ KHẸKE NE U MU RORO: Vbọzẹ ne Jehova na wẹẹ, na gbẹnnẹ avbe ẹmwẹ akhasẹ ni dekaẹn Mezaia ye Ebe Nọhuanrẹn Na Ya E Hibru Gbẹn?
2. Emwi Ewe Ọghe Orhiọn
(Ifuanro 10)
-
Psm 69:30, 31—De vbene ako na khian ya ru iyobọ ne ima ya gha mwẹ alaghodaro vbe odẹ ne ima ya na erhunmwu? (w99 1/15 18 ¶11)
-
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Psm 69:1-25 (th iruẹmwi 2)
4. Gha Mwẹ Izinegbe—Emwi Ne Jesu Ru
(Ifuanro 7) Ọta na koko zẹ iro yan. Kpee nene VIDIO, iyeke ọni, wa ghi zẹ iro yan lmd iruẹmwi 8 uhunmwu ẹmwẹ 1-2.
5. Gha Mwẹ Izinegbe—Ya Egbe Taa E Jesu
(Ifuanro 8) Wa zẹ iro yan lmd iruẹmwi 8 uhunmwu ẹmwẹ 3-5 kevbe “Vbe Ya Ghee.”
Ihuan 134
6. Evba Gualọ Vbe Iko
(Ifuanro 5)
7. Emwi Eso Ni Gha Ru Iyobọ Vbe A Ghaa Ru Iruẹmwi Ẹgbẹe
(Ifuanro 10) Ọta na koko zẹ iro yan.
Vbe January 2009, a na mu e Congregation Book Study ba Owebe Ukhamwẹ Osa kevbe Iko Ọghe Ugamwẹ, a na do gha ru ehia vbe ẹdẹ ọkpa. Ọna keghi kie ẹkpotọ yọ, ne ẹgbẹe sẹtin gha ru iruẹmwi ẹgbẹe vbe ẹghẹ ota vbe uzọla uzọla. Ẹgbẹe nibun wa gbọyẹmwẹ ye emwamwa na, rhunmwuda, ọ ru iyobọ ne iran ya sikẹ e Jehova, ọ vbe ru iyobọ ne iran ya sikẹ egbe.—Diut 6:6, 7.
De emwi eso nọ gha ru iyobọ ne avbe uhunmwuta ẹgbẹe, ne emwa hia vbe uwu ẹgbẹe mieke na gha sọyẹnmwẹ Iruẹmwi Ẹgbẹe?
-
Hia ne uwa gha ru ẹre vbe uzọla uzọla. Deghẹ uwa gha sẹtin, wa ghi wa mwamwa ẹghẹ ọkpa yọ, ne uwa khian ya gha ru iruẹmwi ẹgbẹe vbe uzọla uzọla. Wa ghi mwamwa ẹdẹ ọvbehe ne uwa khian ya gha ru ẹre, deghẹ ọ ma na ghi gba re vbe ẹdẹ ne uwa te ka muẹn yi
-
Mu egbe yotọ. Nọ ọvbokhan ruẹ emwi eso ne uwa gha sẹtin gha ru vbe iruẹmwi ẹgbẹe, u sẹtin vbe zẹdia gha nọ ivbuẹ. Esa i rrọọ ne u khian ya loo ẹghẹ nọ tan gbe ya gha mu egbe yotọ, katekate deghẹ ọ mwẹ emwi eso ne uwa ru vbe iruẹmwi ẹgbẹe vbe uzọla uzọla, nọ wa kakabọ yẹẹ ẹgbẹe ruẹ
-
Gha zẹ iro yan emwi nọ gha ru iyobọ ne ẹgbẹe ruẹ. Vbene emọ ya waan, erriọ emwi ne iran gualọ, kevbe emwi ne iran sẹtin ru ya fi werriẹ. Ọ khẹke ne emwi ne uwa zẹ iro yan vbe iruẹmwi ẹgbẹe ru iyobọ ne emwa hia vbe ẹgbẹe ya gha sikẹ e Jehova sayọ
-
Gi orhiọn emwa hia sotọ vbe uwa ghaa ru iruẹmwi ẹgbẹe. Ugbẹnso, wa sẹtin vbe ru iruẹmwi ẹgbẹe ọghe uwa vbe orere deghẹ ehe hia na gha maan. Wa sẹtin vbe zẹdia gha gbamẹ sawọn. Ẹmwata nọ wẹẹ, uhunmwuta ẹgbẹe gha guan kaẹn ọlọghọmwa eso nọ rre ẹgbẹe ọre vbe iruẹmwi ẹgbẹe, sokpan, ẹ i re ẹghẹ na ya ru iruẹmwi ẹgbẹe ẹre ọ khẹke ne uhunmwuta ẹgbẹe ya gha gu ọvbokhan rẹn vbe ivbi ẹre gui
-
Gha ru emwi ughughan vbe iruẹmwi ẹgbẹe. Vbe igiemwi, wa sẹtin mu egbe iko yotọ, wa sẹtin ghee vidio vbe jw.org, wa ghi vbe zẹ iro yan rẹn, wa sẹtin vbe mu egbe ẹmwẹ ne uwa khian ta vbe ikporhu yotọ. Agharhemiẹn wẹẹ, te ọ khẹke ne emwa hia vbe uwu ẹgbẹe gha gu egbe zẹ iro vbe a ghaa ru Iruẹmwi Ẹgbẹe, a sẹtin vbe mwamwa ẹghẹ eso yọ, ne dọmwadẹ ọghẹe vbe uwu ẹgbẹe khian ya gha ruẹ emwi ne egbe ẹre
Wa zẹ iro yan inọta na:
-
De vbene u he ya ru emwi eso na guan kaẹn na, vbe iruẹmwi ẹgbẹe ruẹ?
8. Iruẹmwi E Baibol Ọghe Iko
(Ifuanro 30) bt uhunmwuta 13 ¶8-16, ẹkpẹti nọ rre ipapa 119
