EMWI EWE NI RRE UWU ẸMWẸ ỌGHE OSANOBUA | PSALMS 34-37
Mu Ẹtin Yan e Jehova Ne U Gha Ru Emwi Ẹse
‘Ghẹ gha . . . gbọvo emwa dan’
37:1, 2
-
Ghẹ gie adogbannọ ọghe ovbiẹghẹ kherhe ne emwa dan mwẹ rhie ruẹ ekhọe hin ugamwẹ ọghe Jehova rre. Rhie aro tua afiangbe ọghe orhiọn kevbe evba kọnrẹn ọghuẹ
‘Mu ẹtin yan e Jehova ne u gha ru emwi ẹse’
37:3
-
Gha mwẹ ilẹkẹtin wẹẹ e Jehova gha ru iyobọ nuẹ vbe u gha gbe awawẹ kevbe u gha siosi. Ọ gha ru iyobọ nuẹ, ne u sẹtin da imudiase ọghuẹ yi
-
Rhiegbe ye iwinna ikporhu iyẹn nọma ọghe Arriọba Osanobua
‘Gha gualọ ọyẹnmwẹ ruẹ vbe uwu e Jehova’
37:4
-
Ru emwamwa ne u sẹtin gha tie Evbagbẹn Nọhuanrẹn kevbe ne u gha ru erria yan rẹn, ne u mieke na rẹn Jehova sayọ
‘Rhie egbe ruẹ ne Jehova’
37:5, 6
-
Ye ekhọe hia mu ẹtin yan e Jehova wẹẹ, ọ gha ru iyobọ nuẹ vbe u gha rre ọlọghọmwa nọ rhirhi gha khin
-
Ye da imudiase ọghuẹ yi vbe u gha werriẹ aro daa igbodan, ukpokpo ra deghẹ u na miẹn ẹmwẹ ohoghe
‘Ziengbe ne u rhie ẹghẹ ne Jehova ya winna’
37:7-9
-
Ghẹ wa gha dekun emwi ru nu ghẹ do muẹn fua ighẹ ọyẹnmwẹ ọghuẹ kevbe asikẹgbe nu gu e Jehova mwẹ
“Avbe ọmẹhẹ ẹre ọ ra yan otọe nii”
37:10, 11
-
Gha re ọmwa ọmẹhẹ, nu fẹko diakhẹ ẹghẹ ne Jehova khian ya muẹn sẹ ufomwẹ ighe a gbọmwa ekueku hia ne uwẹ he miẹn
-
Gha ru iyobọ ne etẹn kevbe ne u gha tama emwa ne iro han rẹn wẹẹ agbọn ọgbọn ọghe Osanobua sotọ nẹ, ne ẹko mieke na fu iran rre
Ma gha miẹn afiangbe nibun vbe ototọ Arriọba e Mẹzaia
