UYINMWẸ ỌGHE IMA NE IVBIOTU E KRISTI
Lele ukpowẹ ọghe Kristi khuankhuankhuan
Ọ khẹke ne ima gha lele igiemwi ne Jesu rhie yotọ ne ima, katekate vbe ima ghaa werriẹ aro daa edanmwẹ ra ukpokpo. (1 Pit 2:21-23) Agharhemiẹn wẹẹ emwa ghaa rrovbiẹ Jesu, ọ ma rrovbiẹ iran werriegbe uhiẹn vbe ẹghẹ ne ọ ya gha rrioya. (Mak 15:29-32) De emwi nọ ru iyobọ nẹẹn ya zin egbe? Irẹn keghi ta mu olọ yan rẹn wẹẹ ahoo ọghe Jehova ẹre irẹn khian gha ru. (Jọn 6:38) Ọ keghi vbe rhie aro tua “oghọghọ ne ọ diakhẹ ọre” vbe odaro.—Hib 12:2.
De emwi ne ima khian ru deghẹ emwa na gha kpokpo ima rhunmwuda amuẹtinyan ọghe ima? Ivbiotu e Kristi ọghe ẹmwata i ‘ya orukhọ ha osa orukhọ.’ (Rom 12:14, 17) Adeghẹ ima na ya egbe tae Kristi vbe odẹ ne ọ ya zin egbe irrioya, ma gha sẹtin gha mwẹ oghọghọ rhunmwuda ne ima na mwẹ akueyi ọghe Osanobua.—Mat 5:10-12; 1 Pit 4:12-14.
A GHA GHI GHEE ẸRE FO NẸ IGHẸ NE VIDIO ENI ỌGHE JEHOVA ẸRE Ọ HIUNSI SẸ, A GHI RHIE EWANNIẸN YE AVBE INỌTA NA:
-
De vbene Ọtẹn Nokhuo Pötzinger * ya loo ẹghẹ ọghẹe ẹse, vbe ẹghẹ ne a ya mu irẹn ọkpa ye ughugha ọkpa vbe eghan?
-
De oya ne Ọtẹn Nokpia Pötzinger kevbe amwẹ ọnrẹn re, vbe agọ irrioya ughughan na viọ iran yi?
-
De emwi nọ ru iyobọ ne iran ya zin egbe?
Lele ukpowẹ ọghe Kristi khuankhuankhuan vbe u ghaa rrioya
^ okhuẹn 6 A sẹtin vbe gbẹn eni ẹnrẹn vbenia: Poetzinger.
