UYINMWẸ ỌGHE IMA NE IVBIOTU E KRISTI
De Emwi Ne U Gha Miẹn Ruẹ Vbe Obọ Etẹn Ni Kpẹẹ Nẹ Vbe Otu E Jehova?
Etẹn nikpia kevbe etẹn nikhuo eso wa rre iko ọghomwa, ni kpẹẹ nẹ vbe otu e Jehova. Ma gha wa miẹn emwi ruẹ vbe odẹ ne iran he ya mu ẹtin yan e Jehova. Ma sẹtin nọ iran emwi nibun vbekpae otu e Jehova kevbe vbene Jehova he ya ru iyobọ ne iran ya la isievẹn nibun gberra hẹ. Ma sẹtin vbe tie ọkpa vbe etẹn na, nọ do deba ima vbe Iruẹmwi Ẹgbẹe, ma ghi vbe loo ẹkpotọ nii ya nọ iran emwi ẹwaẹn ne iran he miẹn vbe ugamwẹ e Jehova.
Deghẹ u kpẹẹ nẹ vbe otu e Jehova, gi etẹn rẹn odẹ ne Jehova he ya ru iyobọ nuẹn. E Jekọb kevbe Josẹf keghi tama ẹgbẹe ọghe iran, vbene Jehova ya ru iyobọ ne iran hẹ. (Gẹn 48:21, 22; 50:24, 25) Vbene ẹghẹ ya khian, e Jehova keghi tama avbe uhunmwuta ẹgbẹe, ne iran gha tama ivbi iran emwi ọyunnuan ne irẹn he ru. (Diut 4:9, 10; Psm 78:4-7) Vbe ẹdẹnẹrẹ, evbibiẹ emọ kevbe etẹn ọvbehe gha vbe sẹtin tama avbe igbama emwi ọyunnuan ne Jehova he loo otu ọghẹe ya fiangbua.
GHEE VIDIO NỌ MWẸ UHUNMWUTA NỌ KHARE WẸẸ EMWI NỌ RU IYOBỌ NE ETẸN YA GHA MWẸ AKUGBE VBE ARRIỌBA MU AWUA YE IWINNA IRAN, IYEKE ỌNI, A GHI ZẸ EWANNIẸN YE AVBE INỌTA NA:
-
De vbene abotu nọ rre Austria ya ru iyobọ ne etẹn ni rre ẹvbo eso ne arriọba na mu awua ye iwinna ima?
-
De emwi nọ ru iyobọ ne etẹn ni rre avbe ẹvbo na ya gha mwẹ amuẹtinyan nọ wegbe?
-
Vbọ ya etẹn nibun ni rre Romania kpa hin otu e Jehova rre? De vbene iran ghi ya werriegbe gha die otu e Jehova?
-
De vbene emwi ẹwaẹn na, ya ya amuẹtinyan ọghuẹ wegbe sayọ?
-
De ọta ne u gha hoo ne u nọ ọtẹn nọ kpẹẹ nẹ vbe otu e Jehova?
Hia ne u ruẹ emwi nibun vbe obọ avbe etẹn ni kpẹẹ nẹ vbe otu e Jehova, ne amuẹtinyan ne u mwẹ mieke na gha wegbe sayọ!
