UYINMWẸ ỌGHE IMA NE IVBIOTU E KRISTI
U Gha Sẹtin Gha Kporhu Kevbe Ne U Gha Maa Emwa Emwi!
Vbe okaro, e Mosis kegha roro ẹre wẹẹ irẹn i khian sẹtin ru iwinna ne Jehova waa re. (Ẹks 4:10, 13) Emwi vbenian he ka sunu daa ruẹ ẹdẹ ra? A sẹtin miẹn wẹẹ, Avbe Osẹe Jehova ya e Baibol maa ruẹ emwi, sokpan u na do gha roro ẹre wẹẹ, u i khian sẹtin do gha si ẹkpo lele orere gha kporhu. A sẹtin vbe miẹn wẹẹ igbama ẹre u khin, sokpan ekhue i gu ruẹ kporhu vbe owebe. U sẹtin vbe gha roro ẹre wẹẹ, u i khian sẹtin rhiegbe ye ikporhu ọghe adesẹ orere, ra u i khian sẹtin ya efoni kporhu ma ọmwa. Adeghẹ u werriẹ aro daa isievẹn vbenian, rinmwian e Jehova nọ ya orhiọn nọhuanrẹn ọghẹe ru iyobọ nuẹn. (1 Pit 4:11) Gha mwẹ ilẹkẹtin wẹẹ e Jehova gha ru iyobọ nuẹn ya ru iwinna nọ rhirhi waa ruẹ re.—Ẹks 4:11, 12.
GHEE VIDIO NỌ MWẸ UHUNMWUTA NỌ KHARE WẸẸ GHA MWẸ UDINMWẸ ZẸVBE . . . ỌTẸN NỌ YA IYẸN WEWE, IYEKE ỌNI, A GHI ZẸ EWANNIẸN YE AVBE INỌTA NA:
-
De isievẹn ne ọtẹn nokhuo Aoyama werriẹ aro daa?
-
De emwi nọ ru iyobọ nẹẹn ya gha mwẹ udinmwẹ?—Jer 20:7-9
-
De afiangbe ne ọtẹn na ghi miẹn rhunmwuda nọ na hia nọ ru sayọ vbe ugamwẹ e Jehova?
-
De isievẹn eso ne Jehova gha sẹtin ru iyobọ nuẹn ya la gberra vbe iwinna ikporhu iyẹn nọ maan?
