EMWI EWE NI RRE UWU ẸMWẸ ỌGHE OSANOBUA | JOB 1-5
E Job Da Imudiase Ọghẹe Yi Vbe Ọ Werriẹ Aro Daa Edanmwẹ
Uz ẹre Job ghaa ye vbe ẹghẹ ne Ivbi Izrẹl ya gha re eviẹn vbe otọ Igipt. Agharhemiẹn wẹẹ Job i re Ovbi Izrẹl, ọguọmwadia e Jehova ẹre irẹn ghaa khin. Ọ wa gha mwẹ emọ nibun, ọ wa fe ya obọ mu iso kevbe a wa vbe gha họn usi ẹre rre. Ọbude nọ rẹn enegbe kevbe ọbuohiẹn nẹi bu eku ẹre wa gha nọ. Ọ wa gha ru iyobọ ne ivbiogue, kevbe erriọ vbe ya gha mwẹ imudiase.
E Job wa rhiẹre maa wẹẹ Jehova ọre ọmwa nọ ru ekpataki sẹ vbe arrọọ ọghẹe
1:8-11, 22; 2:2-5
-
Setan wa rẹn wẹẹ Job mwẹ imudiase. Ọ wa vbe rẹn wẹẹ Job họn ẹmwẹ ne Jehova; sokpan irẹn khare wẹẹ, ẹi re ẹkoata ẹre ọ ya ruẹ
-
Setan khare wẹẹ rhunmwuda ere ọghe ne egbe ẹre ọkpa, ẹre ọ ye Job ga e Jehova
-
Na mieke na rẹn deghẹ ẹmwata ẹre Setan ta ra ohoghe nọ, e Jehova keghi kue nọ werriẹ aro dae Job. Setan keghi ye agbọn lọghọ e Job
-
Vbe Job ghi da imudiase ọghẹe yi, Setan na ghi kha wẹẹ, ẹi re ẹkoata emwa nagbọn ya ga Osanobua
-
E Job ma ru orukhọ, ọ ma vbe bae Osanobua ifiẹzọ
