Osanobua keghi tama e Jerimaia nọ ya obọ sekhae ne Ivbi e Ju vbekpae ọfuan nọ dee ne iran, rhunmwuda wẹẹ iran miamia irẹn ne Jehova. (Jer 13:25) De vbene agbẹnvbo na ya do khian ne sẹlẹkẹ hẹ vbe odẹ ọghe orhiọn? Ẹgbẹe ni rre otọ Izrẹl keghi muẹn fua asikẹgbe ne iran gu e Jehova mwẹ. Ọdewuarorua wẹẹ avbe uhunmwuta ẹgbẹe ni ghaa rre otọ ọghe Izrẹl ma gha lele adia ọghe Jehova nọ rre ebe Diuteronomi 6:5-7.

Ẹgbẹe ughughan ni wegbe vbe odẹ ọghe orhiọn ẹre ọ ya iko de hẹnhẹn vbe ẹdẹnẹrẹ. Avbe uhunmwuta ẹgbẹe gha sẹtin ru iyobọ ne ẹgbẹe ọghe iran, ne iran ghẹ miamia e Jehova, lekpae Iruẹmwi Ẹgbẹe nọ mwẹ evbọ demu na ru vbe ẹghẹ hia. (Psm 22:27) A gha ghi ghee ẹre fo nẹ ighẹ ne vidio “Ghẹ Miamia Avbe Uhi Ne I Viọ Ne Uwa”—Ẹgbẹe Ughughan Na Nọ Rẹn Ọta, u ghi zẹ ewanniẹ ye avbe inọta na:

• De vbene ẹgbẹe eso he ya sẹtin musọe hẹ vbe isievẹn ne iran werriẹ aro daa vbe nọ dekaan iruẹmwi ẹgbẹe ọghe iran?

• De ere eso na miẹn vbe a gha ru Iruẹmwi Ẹgbẹe nọ mwẹ evbọ demu vbe ẹghẹ hia?

• Vbe ọ gha de ọghe iruẹmwi ẹgbẹe, de isievẹn eso ne imẹ werriẹ aro daa kevbe de vbene I hoo ne I ya la isievẹn na gberra hẹ?