“Nọ Rhirhi Gha Hoo Ne Irẹn Gha Re Nọ Kpọlọ Vbe Uwu Uwa, Wẹẹ Ne Ọ Gha Re Ọguọmwadia [Ọghe] Ni Dekẹe”
Avbe ọmamwaemwi kevbe Ivbi e Farisi ni tọn egbe mu, wa gha hoo ne emwa gha gbe wee ne iran kevbe ne iran gha titi. (Mat 23:5-7) Sokpan Jesu wa lughaẹn ne iran. “Zẹvbe ne Ovbi Ọmwa ye, ọ ma rre ne a do gha gae, sokpan ne irẹn do ga emwa.” (Mat 20:28) Iwinna ugamwẹ ne emwa gha na yi ima ẹro kevbe ne iran gha na tian ima ẹre ima wa loo ẹrhiọn yi ra? Ọmwa nọ hiunsi vbe odaro e Jehova ọre ọmwa nọ mu ọghe emwa ọvbehe karo vbene Jesu vbe ru ẹre. Ọmwa vberriọ keghi winna vbe odẹ ne emwa i na yẹrẹro. E Jehova ọkpa ẹre ọ bẹghe iwinna vberriọ. (Mat 6:1-4) Ọguọmwadia nọ mwẹ imuegberriotọ keghi . . .
-
mwẹ obọ vbe iwinna akpehuan ọghe Ọgua Arriọba kevbe vbe a gha khian dọlọe yi
-
hia ne ọ ru iyobọ ne emwa ni khian ọmaẹn nẹ kevbe emwa ọvbehe
-
ru iyobọ igho ye iwinna Arriọba nọ mieke na gha mwẹ alaghodaro