EVBỌZẸE NỌ NA RU EKPATAKI: Orhiọn emwa nibun ni rhuaro i sotọ deghẹ emwa ne iran ma rẹn na gha gu iran guan. Nọnaghiyerriọ, te ima gha loo ifuẹro, ne ima mieke na sẹtin kporhu ma emwa ni rhuaro. E Jehova hoẹmwẹ emwa ni rhuaro. (Lẹv 19:14) Ma gha sẹtin ya egbe tae Jehova, deghẹ ima na gha gualọ odẹ ne ima khian ya ru iyobọ ne avbe arhuaro vbe odẹ ọghe orhiọn.

VBENE A YA RU ẸRE HẸ:

• “Gualọ” emwa ni rhuaro. (Mat 10:11) U rẹn ọmwa nọ mwẹ arhuaro vbuwe ẹgbẹe ra? Owebe ọghe avbe arhuaro, otu nọ ru iyobọ ne avbe arhuaro ra owa ne a na gbaroghe avbe arhuaro rre ẹdogbo ruẹ ra? Iran gha hoo ne a gha viọ ebe eso gie iran ne avbe arhuaro gha sẹtin tie ra?

• Gha si avbe arhuaro kẹ egbe. Adeghẹ u na gha gu avbe arhuaro ru ọse, u na vbe gi iran rẹn wẹẹ u hoẹmwẹ iran, orhiọn iran ghi sotọ. Uhunmwuta nọ gha mu emwa ni rre ẹdogbo ni ekhọe ẹre ọ khẹke ne u ya mu ẹmwẹ so

• Ru iyobọ ne iran vbe odẹ ọghe orhiọn. Otu e Jehova hoo ne iran ru iyobọ ne avbe arhuaro kevbe emwa nẹi bẹghe ẹse, ọni ẹre ọ zẹe ne iran na mwamwa ebe ọghomwa vbe odẹ ughughan nọ gha ru iyobọ ne iran. U ghi nọ edọmwadẹ arhuaro vbene ọ hoo nọ ya gha ruẹ emwi hẹ. Ọtẹn nọ siẹnro iwinna ikporhu ghi hia na miẹn wẹẹ, ọtẹn nọ we ebe ne iko we ebe nọ khẹke, ne ebe ne ọmwa nọ rhuaro gualọ mieke na sẹ ọre obọ, zẹ vbene ọ gualọe yi