Vbe ukpo ukpo, ma keghi hia ne ima gie na tie emwa vbe ẹdogbo ne ima na kporhu, ne iran do deba ima do Ugie Ayere Ọghe Uwu E Kristi. Iran nibun keghi re emwa ne ima ma rẹn. Sokpan, ọ vbe khẹke ne ima tie emwa ne ima rẹnrẹn. Nọ ne emwa eso, ọmwa ne iran rẹnrẹn gha rhie ebe ne iran, iran sẹtin rhunmwuda ọni gha dee. (yb08-E 11 ¶3; 14 ¶1) De emwa ne u gha sẹtin gie na tie?

• Emwa vbuwe ẹgbẹe

• Emwa ne uwa gba winna ra avbe ọse ruẹ vbe esuku

• Emwa ne uwa gba rre ẹdogbo ọkpa

• Emwa ne u ka kporhu ma ne u ye mu otuẹ gie, emwa ne u gu ruẹ e Baibol kevbe eso ne u ka gu ruẹ emwi vbe ẹghẹ nọ gberra

Deba ọni, ediọn gha vbe gie na tie etẹn ni worua vbe odẹ ọghe orhiọn. De emwi nọ khẹke ne u ru, deghẹ ọmwa ne u hoo ne u tie i rre ẹdogbo ruẹ? U sẹtin gha rrie jw.org/bin, ne u ya gualọ ehe kevbe ẹghẹ na khian ya do Ugie Ayere vbe ẹdogbo ne ọmwa nii ye. U gha sẹ jw.org/bin, u ghi klik e NỌ DEKAAN IMA, ọ gha kie, u ghi klik e “Ugie Ayere.” Zẹ vbene u ya mu egbe khẹ Ugie Ayere, roro ẹre deghẹ emwa eso rrọọ ne u gha sẹtin tie, iyeke ọni, u ghi rhie ebe itie ne iran.