APPLY YOURSELF TO THE FIELD MINISTRY | EMWI NỌ GHA YA RUẸ GHA SỌYẸNMWẸ IWINNA IKPORHU SAYỌ
Gha Nọ Ọta
E Jehova keghi re Osa nọ sọyẹnmwẹ. Ọ vbe hoo ne ima gha sọyẹnmwẹ iwinna ikporhu iyẹn nọ maan. (1 Tim 1:11) Ma gha sẹtin gha sọyẹnmwẹ iwinna ikporhu iyẹn nọ maan sayọ, deghẹ ima na gha hia ne ima gha mwẹ alaghodaro. Inọta gha sẹtin gu emwa kpa ya danmwehọ ima, ọ wa vbe maan na ya mu ẹmwẹ so. Ọ vbe ya emwa mu ẹmwẹ ne ima ta roro. (Mat 22:41-45) Ma gha nọ ọmwa ọta, ma na vbe gbe ehọ kotọ danmwehọ ọre, te ima rhie ẹre ma wẹẹ, aro nọ ghaan ẹre ima ya ghee ọmwa nii. (Jems 1:19) Ewanniẹn nọ zẹ, ẹre ọ khian ya ima rẹn vbene ima khian ya ru iyobọ nẹẹn hẹ.
GHEE VIDIO NỌ MWẸ UHUNMWUTA NỌ KHARE WẸẸ, GHA SỌYẸNMWẸ IWINNA ỌGHE NA YA EMWA KHIAN ERHUANEGBE KRISTI—GHA MWẸ ALAGHODARO VBE ODẸ NE U YA KPORHU—GHA NỌ ỌTA, IYEKE ỌNI, A GHI ZẸ EWANNIẸN YE AVBE INỌTA NA:
-
De avbe akpa esiesi ne Jade rhie ma?
-
De vbene Neeta ya loo inọta ya rhie ẹre ma wẹẹ, irẹn hoo ne irẹn rẹn Jade sayọ?
-
De vbene Neeta ya loo inọta vbe ọ kporhu ma e Jade, nọ ghi ya e Jade gha hoo nọ rẹn sayọ?
-
De vbene Neeta ya loo inọta ya ru iyobọ ne Jade nọ mieke na mu ẹmwẹ ne iran ta roro?
