UYINMWẸ ỌGHE IMA NE IVBIOTU E KRISTI
Odẹ Eha Ne Ima Khian Ya Rhie Ẹre Ma Wẹẹ Ima Mu Ẹtin Yan E Jehova
E Devid keghi sẹtin khọnmiotọ yan e Golaiat rhunmwuda nọ na mu ẹtin yan e Jehova. (1 Sam 17:45) E Jehova wa hoo nọ ru iyobọ ne eguọmwadia ẹre hia. (2 Krọ 16:9) Ne ima gha te ya mu ẹtin yan emwi ne ima rẹnrẹn, vbe ima khian ya rhie ẹre ma wẹẹ, e Jehova ẹre ima mu ẹtin yan? Gi ima ziro yan odẹ eha ne ima khian ya ru ọna.
-
Gha na erhunmwu vbe ẹghẹ hia. Ẹi re vbe ima gha ru orukhọ ọkpa ẹre ima khian na gha na erhunmwu, ọ vbe khẹke ne ima gha na erhunmwu ne Jehova ru iyobọ ne ima ya ru emwi nọ khẹke vbe ima gha werriẹ aro daa edanmwẹ. (Mat 6:12, 13) Ẹi re vbe u gha ru azẹ nẹ ọkpa ẹre u khian na gha na erhunmwu ne Jehova ru iyobọ nuẹn, ọ vbe khẹke ne u gha na erhunmwu nọ rhie adia kevbe ẹwaẹn nuẹn vbe u gha khian ru azẹ, ne u mieke na ru azẹ nọ khẹke.—Jems 1:5
-
Zẹ ẹghẹ kọ ne u khian ya gha tie Baibol. Gha tie Baibol vbe ẹdẹgbegbe. (Psm 1:2) Gha ru erria yan igiemwi ọghe emwa ne Baibol guan kaẹn, u ghi vbe gha rhie emwi ne u ruẹ ye uyinmwẹ. (Jems 1:23-25) Gha mu egbe ikporhu yotọ, ẹi re ne u wa hẹnhẹn egbe yan emwi ne u ka rẹn. Hia ne u gha mu egbe iko yotọ, ne u mieke na gele miẹn ere vbọ
-
Gha lele adia nọ ke obọ otu e Jehova rre. Hia ne u rẹn adia ọgbọn nọ ke obọ otu e Jehova rre, u vbe gha lelẹe vbobọvbobọ. (Nọm 9:17) Gha họn ẹmwẹ ne avbe ediọn.—Hib 13:17
GHEE VIDIO NỌ MWẸ UHUNMWUTA NỌ KHARE WẸẸ, ESA I RRỌỌ NA KHIAN YA GHA MU OHAN UKPOKPO, IYEKE ỌNI, A GHI ZẸ EWANNIẸN YE AVBE INỌTA NA:
• De emwi ne avbe etẹn na ghaa mu ohan rẹn?
• De emwi nọ ghi ru iyobọ ne iran?
