Emwa ni mwẹ uyinmwẹ nọ huanrẹn ẹre ọ khian sẹtin gu e Jehova ru ọse. (1 Pit 1:14-16) Deghẹ emwa ne u ya e Baibol maa re emwi na ban uyinmwẹ dan nọ gua iran obọ ro, iran gha wa miẹn ere vbọ. Oghọghọ kevbe akugbe ghi gha rre uwu ẹgbẹe ọghe iran, egbe ghi rran iran, iran i ghi vbe mu igho rhia ye emwi ni ma khianrẹn.

Rhan otọ ilele ọghe Jehova ma emwa ne u gu ruẹ emwi, ru iyobọ ne iran ya rẹn evbọzẹe ne Osanobua na wua emwi eso, uwa ghi vbe ziro yan ere na lae miẹn vbe a ghaa lele adia ọghe Osanobua. Ọmwa ne u maa ẹre emwi ke sẹtin fi uyinmwẹ ọnrẹn werriẹ, ọ khẹke ne u ka ru iyobọ nẹẹn ya fi iziro ọghẹe werriẹ. (Ẹfis 4:22-24) Gi iran rẹn wẹẹ, e Jehova gha ru iyobọ ne iran ya sẹtin fiwerriẹ. (Fil 4:13) Tama iran ne iran gha na erhunmwu gie Jehova nọ rhie ẹtin ne iran, vbe iziro dan gha la iran ekhọe. Ru iyobọ ne iran ya rẹn emwi ughughan nọ gha sẹtin si iran fi edanmwẹ. Rhie igiọdu ne iran, ne iran gha ru emwi esi, ne iran gha te ya gha mwẹ obọ vbe uyinmwẹ dan. U gha bẹghe vbene Jehova ya ru iyobọ ne emwa ne u gu ruẹ e Baibol ya ru afiwerriẹ nọ khẹke vbe arrọọ ọghe iran, ọyẹnmwẹ ghi gha sẹ ruẹ.

GHEE VIDIO NỌ MWẸ UHUNMWUTA NỌ KHARE WẸẸ, RU IYOBỌ NE EMWA NE U YA E BAIBOL MAA RE EMWI NE IRAN ZOBỌ VBE UYINMWẸ NỌ MA HUAN, IYEKE ỌNI, A GHI ZẸ EWANNIẸN YE AVBE INỌTA NA:

• De vbene ediọn kevbe Neeta ya rhie ẹre ma wẹẹ iran, iran yayi wẹẹ e Jade gha sẹtin fi werriẹ?

• De vbene Neeta ya ru iyobọ nọ khẹke ne Jade hẹ?

• De vbene Jade ya gualọ iyobọ ọghe Jehova hẹ?