UYINMWẸ ỌGHE IMA NE IVBIOTU E KRISTI
“Gbogba Ga Ẹkokoudu Ruẹ”
E Jehova keghi dia e Solomọn ya gbẹn ẹmwẹ na yotọ: “Nọ ghi sẹ ehia vbe uwu emwi hia fẹẹrẹ nọ khẹke ne u gbogba ga ọre ekhọe ruẹ.” (Itan 4:23) Sokpan ọ keghi re emwi da ọmwa wẹẹ, Ivbi Izrẹl ma ghi gha “ya ekhọe iran hia” ga e Jehova. (2 Krọ 6:14) Uhiẹn, Ọba e Solomọn tobọre keghi kue yọ ne avbe ikhuo ni ga ẹbọ nọ viọ re, si ẹre fi igẹbọ. (1 Ọba 11:4) Vbua khian ya gbogba ga ẹkokoudu ruẹ hẹ? Ọna ọre uhunmwuta ọghe ako iruẹmwi ọkpa nọ ladian vbe ipapa 14-19 vbe ebe Owa Ọkhẹ ọghe January 2019.
GHEE VIDIO NỌ MWẸ UHUNMWUTA NỌ KHARE WẸẸ, EMWI NE IMA MIẸN RUẸ VBE EBE OWA ỌKHẸ—GBOGBA GA ẸKOKOUDU RUẸ, IYEKE ỌNI, A GHI ZẸ EWANNIẸN YE AVBE INỌTA NA:
De emwi eso nọ gha te si avbe etẹn na ghee iyeke vbe ugamwẹ e Jehova, kevbe wẹẹ, de vbene ako iruẹmwi na ya ru iyobọ ne iran ya gbogba ga ẹkokoudu ọghe iran hẹ?
-
Brent kevbe Lauren
-
Umjay
-
Happy Layou
De vbene ako iruẹmwi na ya ru iyobọ nuẹn hẹ?
