Ma ghaa rre atuẹ werriegbe ra te ima gu ọmwa ruẹ e Baibol, ọ khẹke ne ima ru iyobọ ne emwa ne ima maa ẹre emwi ya rẹn otọ uhunmwu ẹmwẹ ne ima hoo ne ima rhie ladian. Ma ghaa loo igiemwi ya rhie avbe uhunmwu ẹmwẹ na ladian, ọ ghi gele sẹ iran ekhọe, ọ gha vbe lọghọ iran ke mianmiaẹn.

U ghaa mu egbe atuẹ werriegbe ra vbua khian ya gu ọmwa ruẹ e Baibol, ọ khẹke ne u gualọ avbe uhunmwu ẹmwẹ ni rrọọ nọ khẹke ne u ya igiemwi rhan otọ ẹre, sokpan ọna ma rhie ma wẹẹ, emwi hia ẹre ọ khẹke ne u wa ru igiemwi yi. Loo igiemwi nẹi lọghọ na rẹn otọ re ni dekaẹn emwi ni sunu vbe ẹdẹgbegbe. (Mat 5:14-16; Mak 2:21; Luk 14:7-11) Muẹn roro, ehe ne emwa ni danmwehọ ruẹ ke rre kevbe emwi ne iran ru. (Luk 5:2-11; Jọn 4:7-15) U gha bẹghe vbene ọyẹnmwẹ sẹ ọmwa ne u maa re emwi rhunmwuda nọ na rẹn otọ emwi ne u maa ẹre, ọyẹnmwẹ ghi vbe gha sẹ ruẹ.

GHEE VIDIO NỌ MWẸ UHUNMWUTA NỌ KHARE WẸẸ GHA SỌYẸNMWẸ IWINNA ỌGHE NA YA EMWA KHIAN ERHUANEGBE KRISTI—GHA MWẸ ALAGHODARO VBE ODẸ NE U YA KPORHU—GHA LOO IGIEMWI YA RHIE OLIKA ẸMWẸ LADIAN, IYEKE ỌNI, A GHI ZẸ EWANNIẸN YE AVBE INỌTA NA:

• Vbọzẹe ne emwa ne ima maa ẹre emwi na gualọ iyobọ ima ne iran mieke na sẹtin rẹn otọ e Baibol?

• De vbene Neeta ya loo igiemwi ya rhan otọ emwi nọ rre ebe Rom 5:12?

• Ma ghaa loo igiemwi ni maan ya rhan otọ emwi, vbọ khian ya ru iyobọ ne emwa ni danmwehọ ima hẹ?

• Ma ghaa rre ikporhu, vbọzẹe nọ na khẹke ne ima gha loo e vidio kevbe emwi nibun ọvbehe na ya maa emwa emwi ne otu e Jehova kpemehe ẹre?