UYINMWẸ ỌGHE IMA NE IVBIOTU E KRISTI
‘Ahoẹmwọmwa I Tọn Egbe Mu’
Ahoẹmwọmwa keghi ru iyobọ ne ima ya gha mu egbe rriotọ. (1 Kọr 13:4) Deghẹ ima na hoẹmwẹ etẹn ima, ma i khian gha roro ẹre wẹẹ ima maan sẹ iran. Ma ghi hia ne ima gha bẹghe uyinmwẹ esi ọghe iran kevbe ako ne iran na hia. Ma ghi vbe gha loo emwi ne ima guẹ ya ru iyobọ ne iran. (Fil 2:3, 4) Vbene ima ya rhie ẹre ma wẹẹ ima hoẹmwẹ emwa ọvbehe, erriọ ẹre Jehova khian ya gha loo ima ya ru ahoo ọghẹe sayọ.
GHEE VIDIO NỌ MWẸ UHUNMWUTA NỌ KHARE WẸẸ, GHẸ MIANMIAN VBENE AHOẸMWỌMWA YE HẸ—AHOẸMWỌMWA I TỌN EGBE MU, IYEKE ỌNI, A GHI ZẸ EWANNIẸN YE AVBE INỌTA NA:
-
De emwi eso ne Osanobua ya we Absalọm?
-
De vbene Absalọm ya loo emwi ne Osanobua ya we ẹre ghee ihan hẹ?
-
De emwi nọ gha ru iyobọ ne ima, ne ima ghẹ gha tọn egbe mu?—Gal 5:26
