Rhunmwuda wẹẹ ima hoẹmwẹ etẹn ima, ma yaro yọ wẹẹ iran gha ru azẹ nọ maan. (1 Kọr 13:4, 7) Vbe igiemwi, deghẹ ọtẹn na ru orukhọ, a na vbe rhie ibude nẹẹn, ma yaro yọ wẹẹ ọ gha rhie ude na bu ẹre, kevbe wẹẹ ọ gha fi werriẹ. Ọ khẹke ne ima vbe gha mwẹ izinegbe vbe egbe etẹn ne amuẹtinyan ọghe iran ma wegbe, ma ghi vbe hia ne ima gha ru iyobọ ne iran. (Rom 15:1) Deghẹ ọmwa na kpa hin otu e Jehova rre, ọ khẹke ne ima gha mwẹ ọnrẹn vbe ekhọe wẹẹ, ọmwa nii gha sẹtin werriegbe do ga e Jehova vbe ẹdẹ ọkpa.​—Luk 15:17, 18.

GHEE VIDIO NỌ MWẸ UHUNMWUTA NỌ KHARE WẸẸ, GHẸ MIANMIAN VBENE AHOẸMWỌMWA YE HẸ​—IDAEHỌ ẸRE I FI RAA, IYEKE ỌNI, A GHI ZẸ EWANNIẸN YE AVBE INỌTA NA:

• De emwi ne Abna ru nọ ya rhie ẹre ma wẹẹ irẹn fi ekhọe werriẹ nẹ?

• De emwi ne Devid kevbe Joab ru, vbe iran họn ẹmwẹ ne Abna tae?

• Vbọzẹ nọ na khẹke ne ima yaro yọ wẹẹ, etẹn ima gha ru azẹ nọ maan?