Zẹ vbene ufomwẹ agbọn na ya sikẹ otọ, te uyinmwẹ ikpata vbe izigan, okuo kevbe odẹ ne emwa ya gbe olighi vbe ẹvbo khian wa gha muan yọ. (Arhie 6:4) Vbe ima khian ya mu egbe yotọ khẹ ọlọghọmwa eso ni gha sẹtin de rre vbe odaro?

• Mu egbe yotọ vbe odẹ ọghe orhiọn: Hia ne u rẹn ilele eso ra okha eso ni rre Baibol, ni gha ya ruẹ mu ẹtin yan e Jehova kevbe otu ọghẹe, kevbe ni gha ru iyobọ nuẹn ne u ghẹ gha re ọkpa vbe agbọn na. (Itan 12:5; jr-E 125-126 ¶23-24) Ẹghẹ na ẹre ọ khẹke ne ima ya gele sikẹ etẹn ne ima gba rre iko.​—1 Pit 4:7, 8

• Mu egbe yotọ vbe odẹ ọghe ikpakpa: Ru emwamwa yotọ ne u mieke na sẹtin dia owa ya vbe ọwara ẹghẹ eso, u vbe hia ne u gha mwẹ emwi eso ne u khian ya gha gaga egbe. Mwamwa emwi ne u khian ru, deghẹ emwi eso na ghi sunu nọ gha ya ruẹ kpa hin owa rre. Werriegbe ya ghee emwi ne u viọ ye uwu ẹkpo ne u mwamwa yotọ, ne u khian mu vbe emwi gha sunu. Viọ emwi eso ye uwu ẹre ne u khian ya gbogba ga egbuẹ, ne u ghẹ mieke na mu emianmwẹ; u vbe rhie igho eso ye uwu ẹre. Hia ne u rẹn vbene u khian ya sẹtin gu ediọn guan hẹ, u vbe ru emwamwa yotọ ne ediọn mieke na sẹtin gu ruẹ guan.​—Aiz 32:2; g17.5-E 3-7

Deghẹ emwa na gha gbe olighi vbe ẹvbo ne u ye, ye gha ru avbe emwi ni gha ya ruẹ sikẹ e Jehova. (Fil 1:10) Deghẹ ẹi re wẹẹ te u khian si kpa vbe eke ne u ye rre, esa i rrọọ ne u khian ya gha ke ihe ọkpa mu okhian ye ihe ọvbehe. (Mat 10:16) Gha ya evbare ra emwi ọvbehe ne u mwẹ ru iyobọ ne emwa ọvbehe.​—Rom 12:13.

GHEE VIDIO NỌ MWẸ UHUNMWUTA NỌ KHARE WẸẸ, UWẸ MU EGBE YOTỌ KHẸ EMWI NỌ WEGBE NỌ GHA SẸTIN SUNU RA? IYEKE ỌNI, A GHI ZẸ EWANNIẸN YE AVBE INỌTA NA:

• De vbene Jehova khian ya ru iyobọ ne ima hẹ, vbe emwi nọ wegbe gha sunu?

• De emwi eso ne ima gha sẹtin ru ne ima ya mu egbe yotọ?

• De vbene ima khian ya ru iyobọ ne emwa ne emwi nọ wegbe sunu daa?