LIVING AS CHRISTIANS
Gban Egbe Ne Emwa Okeke
Esu vbe ekpayẹ ọre keghi ya ohoghe gua ẹmwata, ne iran mieke na ya ima gha gbawawẹ. (2 Kọr 11:3) Vbe igiemwi, Ivbi Asiria kegha ta ohoghe, iran na vbe ta ẹmwẹ eso ni ma wa gba fo, ne ẹtin mieke na fo emwa ọghe Jehova. (2 Krọ 32:10-15) Egbe emwi vbenian ẹre emwa okeke vbe ru vbe ẹdẹnẹrẹ. De emwi nọ khẹke ne ima ghi ru vbe ima gha dekun imamwaemwi ọghe emwa okeke? Te ẹmwẹ ne iran ta yevbe obi, rhunmwuda ọni, te ọ khẹke ne ima gban egbe ne iran! Ghẹ gha tie emwi ne iran gbẹnnẹ, ghẹ gha tae khian, ghẹ vbe zẹ ẹmwẹ wanniẹn iran. Gha gbarokotọ, ne u mieke na rherhe rẹn iyẹn nọ gha sẹtin ya ruẹ khian rree ne Jehova, kevbe nọ gha sẹtin ya ruẹ gha gbawawẹ deghẹ odẹ ẹmwata ẹre u gele ye, u ghi vbe gban egbe ne egbe iyẹn vberriọ!—Jud 3, 4.
GHEE VIDIO NỌ MWẸ UHUNMWUTA NỌ KHARE WẸẸ, “UWA GHA GBINNA NẸẸN KHIAN IGHẸ IYAYI NII”!—ABỌ NE KUẸI VBỌ, IYEKE ỌNI, A GHI ZẸ EWANNIẸN YE AVBE INỌTA NA:
-
Vbọzẹ nọ na khẹke ne ima gha begbe, vbe ima ghaa rre eke ne emwa na koko guan vbe intanẹt?
-
De vbene ima khian ya lele ẹmwẹ ibude nọ rre ebe Rom 16:17?
