UYINMWẸ ỌGHE IMA NE IVBIOTU E KRISTI
Uwẹ Mu Egbe Khẹ Ẹghẹ Ne U I Khian Ya Gha Mwẹ Evba Ya Yin Agbọn Ra?
Emwi eso sẹtin wa sunu nọ gha ya ẹmwẹ igho gha lọghọ emwa ni rre agbẹnvbo ughughan. Emwi vbenian i zẹdẹ kpa ima odin rhunmwuda, ẹghẹ okiekie ẹdẹ ẹre ima ye na, kevbe wẹẹ, e Baibol ya obọ sekhae ne ima nẹ wẹẹ, ne ima “ghẹ mu ẹtin yan egbe emwi nọ mu yo mu rre vbene ẹfe ye.” (1 Tim 6:17; 2 Tim 3:1) De emwi ne okha ọghe Ọba e Jehosiafat ma ima re vbekpa vbene ima gha ya mu egbe yotọ khẹ ọlọghọmwa ọghe igho, nọ gha sẹtin de rre?
Vbe ẹghẹ ne eghian ya mu okuo rre, e Jehosiafat keghi mu ẹtin yan e Jehova. (2 Krọ 20:9-12) Ọ keghi mu Ivbi e Juda egbe yotọ, ọ na gbe ekẹn ga ẹvbo eso, ọ na vbe bu agọ ọghe ivbiyokuo ye ihe eso. (2 Krọ 17:1, 2, 12, 13) Vbe na ghee Jehosiafat, ọ khẹke ne ima mu ẹtin yan e Jehova, ma ghi vbe zẹ owẹ nọ khẹke vbe emwi ghaa lọghọ.
GHEE VIDIO NỌ MWẸ UHUNMWUTA NỌ KHARE WẸẸ, UWẸ MU EGBE YOTỌ KHẸ EMWI NỌ WEGBE NỌ GHA SẸTIN SUNU RA? IYEKE ỌNI, A GHI ZẸ EWANNIẸN YE AVBE INỌTA NA:
-
De emwi ne dọmwadẹ ima gha sẹtin ru, ne ima ya mu egbe khẹ emwi nọ wegbe nọ gha sẹtin sunu?
-
De emwamwa ne ima gha ru, ne ima mieke na sẹtin ru iyobọ ne emwa ọvbehe?
