May 27–June 2
PSALM 42-44
Ihuan 86 Kevbe Erhunmwu | Ẹmwẹ Ọghe Omuso (Ifuanro 1)
1. Gha Rhie Emwi Ne U Ruẹ Vbe Obọ E Jehova Ye Uyinmwẹ
(Ifuanro 10)
Gha deba emwa ọvbehe si egbe koko ga e Jehova ghee mwẹ ghee ruẹ, deghẹ u gha sẹtin ru vberriọ (Psm 42:4, 5; w06 6/1 9 ¶4)
Na erhunmwu, u ke suẹn gha tie Ẹmwẹ Osanobua (Psm 42:8; w12 1/15 15 ¶2)
Gi e Baibol gha dia emwi hia ne u ru (Psm 43:3)
Emwi ne ima ruẹ vbe obọ e Jehova keghi ya ima zin egbe ọlọghọmwa, ọ vbe ru iyobọ ne ima ya rhikhan mu e Jehova, zẹvbe ne ima yan rẹn vbe ẹdẹ ne ima ya egbe fiohan nẹẹn.—1 Pit 5:10; w16.09 5 ¶11-12.
2. Emwi Ewe Ọghe Orhiọn
(Ifuanro 10)
-
Psm 44:19—De emwi ne ima roro wẹẹ ẹmwẹ na nọ re, “eke ne avbe ekita oha (jackals) dia” rhie ma? (it-1 1242)
-
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Psm 44:1-26 (th iruẹmwi 11)
4. U Gha Khian Suẹn Gha Gu Emwa Guan
(Ifuanro 4) KE OWA YA SẸ OWA. Tama ọmwa ne u kporhu ma wẹẹ u gha hoo ne u gha gu ẹre ruẹ e Baibol. (lmd iruẹmwi 5 uhunmwu ẹmwẹ 5)
5. Rhie Obọ Lelẹe
(Ifuanro 5) KE OWA YA SẸ OWA. Tama ọmwa nii, nọ do danmwehọ ọta azagba na khian ya guan vbe iko nọ ghi sọregbe. Guan kaẹn vidio nọ mwẹ uhunmwuta nọ khare wẹẹ, De Emwi Na Ru Vbe Ọgua Arriọba? (lmd iruẹmwi 7 uhunmwu ẹmwẹ 5)
6. Ọta Ọghe Ọwara
(Ifuanro 3) lmd apẹndis A uhunmwu ẹmwẹ 4—Uhunmwuta: A I Khian Ghi Gha Miẹn Ọmwa Nọ Khuọnmwi. (th iruẹmwi 2)
Ihuan 21
7. Ru Azẹ Nọ Maan Vbe Nọ Dekaẹn Ẹmwẹ Iwinna Kevbe Owebe
(Ifuanro 15) Ọta na koko zẹ iro yan.
Avbe igbama, wa mwamwa emwi ne uwa khian ru nẹ, vbe uwa gha ladian vbe owebe ne ukpogieva (secondary school) ra? A sẹtin miẹn wẹẹ, ọ mwẹ iwinna ne u mwẹ vbe ekhọe ne u hoo ne u ru, nọ gha kie ẹkpotọ nuẹn ya gha re arọndẹ. A sẹtin vbe miẹn wẹẹ, u hoo ne u ya ruẹ emwi, ne u mieke na gha mwẹ iwinna obọ, e license, ra e certificate nọ gha ru iyobọ nuẹn ya miẹn iwinna ne u hoo ne u ru. Ẹghẹ ne kpataki ẹre ọna wa khin vbe ẹdagbọn ruẹ! Sokpan, egbe sẹtin wa wọọ ruẹ, rhunmwuda ne ẹkpotọ nibun na kie nuẹn; u i ghi rẹn ne u khian zẹ vbọ. Deba ọni, u sẹtin vbe gha hoo ne u ru azẹ nọ gha ya ẹko rhiẹnrhiẹn emwa ọvbehe. De emwi nọ gha ru iyobọ nuẹn ya ru azẹ nọ khẹke?
Tie Matiu 6:32, 33. Iyeke ọni, u ghi we ne etẹn zẹ ewanniẹn ye avbe inọta na:
-
Vbọzẹ nọ na khẹke ne ima ka mwamwa emwi ne ima hoo ne ima ru vbe ugamwẹ e Jehova yotọ nẹ, ma ke suẹn gha ru azẹ vbe nọ dekaẹn ẹmwẹ iwinna kevbe owebe?
-
De vbene evbibiẹ emọ gha ya sẹtin ru iyobọ ne ivbi iran ya lele ẹmwẹ nọ rre ebe Matiu 6:32, 33?—Psm 78:4-7
Ọ ma khẹke ne u ru azẹ rhọkpa, rhunmwuda wẹẹ u hoo ne u fe ra u hoo na gha họn usi ruẹ rre. (1 Jọn 2:15, 17) Yerre wẹẹ, adeghẹ ọmwa na fe ya obọ mu iso, ọ sẹtin gha lọghọ ne ọmwa nii miẹn iyẹn nọ maan ọghe Arriọba yi. (Luk 18:24-27) Adeghẹ ọmwa na gha winna wiẹn egbe rua, nọ mieke na kakabọ fe, ọ gha lọghọ, ọmwa nii ke sẹtin gha mwẹ alaghodaro vbe ugamwẹ e Jehova.—Mat 6:24; Mak 8:36.
Kpee VIDIO na Gha Begbe Ne U Ghẹ Ya Mu Ẹtin Yan Emwi Nọ Fafa!—Ẹfe. Iyeke ọni, u ghi we ne etẹn zẹ ewanniẹn ye inọta na:
-
De vbene ebe Itan 23:4, 5 gha ya sẹtin ru iyobọ nuẹn ya ru azẹ nọ khẹke?
8. Iruẹmwi E Baibol Ọghe Iko
(Ifuanro 30) bt uhunmwuta 10 ¶5-12
