Uhukpa ẹre a ya rẹn okpia nọ rhie okhuo nọ rẹn enegbe. Vbe ẹghẹ ọghe Ọba e Lemuẹl, ọdafẹn okhuo nọ rẹn enegbe ‘keghi re ọmwa ne emwa nibun wa rẹn.’ (Itan 31:23) Vbe ẹdẹnẹrẹ, ikpia ni rẹn enegbe keghi ga zẹvbe ediọn kevbe eguọmwadia iwinna. Adeghẹ iran na gha mwẹ okhuo, uyinmwẹ esi kevbe iyobọ ọghe amwẹ ọghe iran ẹre ọ khian zẹ wẹẹ iran ye sẹtin ga vbuwe iko. (1 Tim 3:4, 11) Aro nọ ghaan ẹre ọdafẹn iran kevbe emwa ni rre uwu iko ya ghee egbe ikhuo ni rẹn enegbe vberriọ.

• nọ na ta ẹmwẹ igiọdu nọ fu ọmwa ekhọe rre ma rẹn.—Itan 31:26

• nọ na kue ne ọdọ re gha mwẹ ẹghẹ ne emwa ọvbehe vbuwe iko.—1 Tẹs 2:7, 8

• nọ na yin vbe odẹ ọghe oreghe.—1 Tim 6:8

• nẹi na hoo nọ rẹn vbe obọ ọdafẹn ọnrẹn, ẹmwẹ ne iran tae vbe iko ediọn.—1 Tim 2:11, 12; 1 Pit 4:15