UYINMWẸ ỌGHE IMA NE IVBIOTU E KRISTI
E Jehova Rẹn Emwi Ne Ima Gualọ
“Ọguọmwadia esi kevbe ne ọ wan” keghi kpemehe evbare orhiọn ne ima vbe “ẹghẹ nọ kere,” nọ rhiema wẹẹ, e Jehova nọ dia ọviẹn na rẹn emwi ne ima gualọ vbe odẹ ọghe orhiọn. (Mat 24:45) Emwi ne ima ruẹ vbe asikoko nọkhua kevbe iko ne ima do vbuwe uzọla rhiẹre ma wẹẹ, e Jehova gele rẹn emwi ne ima gualọ.
GHEE VIDIO NỌ MWẸ UHUNMWUTA NỌ KHARE WẸẸ IYẸN NỌ DEKAAN EMWI NE AGBAZIRO NỌ SIẸNRO IMAMWAEMWI FIANGBUA VBE 2017, VBE IYEKE ỌNI, A GHI RHIE EWANNIẸN YE AVBE INỌTA NA:
-
De ọmwa nọ khẹke ne ima gha rhie etian na, rhunmwuda emwamwa asikoko nọ rre ye ẹghẹ ne ima sọyẹnmwẹ ọnrẹn, kevbe wẹẹ, vbọzẹe nọ na khẹke ne ima ru vberriọ?
-
De ẹghẹ ne a ya suẹn emwamwa ughughan ni dekaẹn asikoko nọkhua?
-
De vbene a ya hannọ uhunmwuta ọghe asikoko nọkhua hẹ?
-
De iwinna eso ne a ru vbe a ghaa mwamwa vbene asikoko nọkhua khian gha ye hẹ?
-
De vbene a ya loo obẹlẹ ne a ya ruẹ emwi vbe owebe Gilead, vbe a ghaa ru emwamwa emwi ne a khian ruẹ vbe iko na do vbuwe uzọla?
-
De vbene ugha iwinna ughughan ya ku obọ gbe hẹ, vbe a ghaa ru emwamwa ebe iwinna na loo vbe iko?
De aro ne uwẹ ya ghee avbe emwi ne Jehova kpemehe ẹre nọ ya amuẹtinyan ọghe ima wegbe sayọ?
