1:20; 2:1, 2

• “Orhọnmwẹ ihinrọn”: Avbe ediọn ni re etẹn ne a hannọ zẹ, ya sẹ egbe ediọn hia ni rre uwu iko

• Nọ rre “obọ erha ọmwa [ọghe Jesu]”: Jesu mwẹ ọdakha yan avbe orhọnmwẹ na, irẹn ẹre ọ vbe dia iran. Deghẹ ọdiọn ọkpa vbe iko na ru abakuru, Jesu gha rhie adia nẹẹn vbe odẹ nọ khẹke kevbe ẹghẹ nọ khẹke

• “Erhan ọmukpa ọghe igoru ihinrọn”: Dọmwadẹ iko ọghe Ivbiotu e Kristi. Zẹ vbene awanwan ọghe ukpa ya gha wan ladian vbuwe ibọkpọ, erriọ ẹre awanwan ọghe ẹmwata nọ ke obọ Osanobua dee ya wan ladian vbuwe iko ọghe Ivbiotu e Kristi. (Mat 5:14) Ebe Arhie Maan vbe kha wẹẹ, Jesu “khian yo khian rre vbe adesẹ avbe erhan ọmukpa” nii, ọna rhiema wẹẹ irẹn ẹre ọ dia emwi hia nọ sunu vbe iko hia nọ rre agbọn na