Ebe 2 Kọrinti 9:7 khare wẹẹ: “Rhunmwuda ọni, wẹẹ ne dọmwadẹ ọghẹe zẹ ọhẹ vbene ọ ya ekhọe ẹre mwamwaẹn, ẹi re ne a ru viẹ, ra ọghe te a ya tọn mwẹ, rhunmwuda, ọmwa ne ọ ya ekhọe ọyẹnmwẹ ru ẹse, ẹre Osanobua hoẹmwẹ ọnrẹn.” Odẹ ughughan rrọọ ne ima gha ya sẹtin ya intanẹt ru iyobọ igho ye iwinna ọghe Avbe Osẹe Jehova nọ khian vbe ẹvbo ima kevbe uhunmwu otagbọn hia.

GHEE VIDIO NỌ MWẸ UHUNMWUTA NỌ KHARE WẸẸ VBENE A YA LOO EFONI RA EKỌMPUTA YA RU OKOZẸ, VBE IYEKE ỌNI, A GHI RHIE EWANNIẸN YE AVBE INỌTA NA:

• De vbene ima khian ya miẹn ayahọmwaehọ nọ rre intanẹt nọ dekaẹn vbene a ya ru iyobọ igho vbe ẹvbo ne ima ye?

• De ere ne emwa eso he miẹn rhunmwuda ne iran na ya intanẹt ya ru izọhẹ?

• De obẹlẹ eso ne ima gha ya sẹtin ru izọhẹ?

• De emwi ne ima gha sẹtin ru, deghẹ ima ma rẹn vbene a ya ya intanẹt ru iyobọ igho?