Ivbiotu e Kristi ni ru emwamwa ugie orọnmwẹ ọghe iran wa mwẹ atamuolọyan nibun ne iran gha ru. Iran ma na begbe, iran sẹtin do gha hoo ne iran vbe loo igho ọrhẹnrhẹn ye ugie orọnmwẹ ọghe iran, nọ mieke na kakabọ titi, vbene emwa ni rre uwu agbọn vbe ru ẹre. Emwa vbuwe ẹgbẹe ruẹ kevbe avbe ọse sẹtin vbe mu iziro eso rre, nọ dekaẹn vbene iran hoo ne orọnmwẹ ruẹ gha ye hẹ. De ilele eso ni rre Baibol nọ gha ru iyobọ ne okpia vbe okhuo ni khian ru orọnmwẹ, ne iran mieke na gha mwẹ ekhọe ọguọmwaziro nọ hianrẹn, ne iran ghẹ mieke na do gha gbe I ma rẹn vbe okiekie?

GHEE VIDIO NỌ MWẸ UHUNMWUTA NỌ KHARE WẸẸ UGIE ORỌNMWẸ NỌ RHIE UYI GIE JEHOVA, VBE IYEKE ỌNI, A GHI RHIE EWANNIẸN YE AVBE INỌTA NA:

• De vbene ilele ni rre ako ọghe Baibol ne a gbẹnnẹ ye ototọ mwa, ya ru iyobọ ne Nick kevbe Juliana hẹ?

  • 1 Kọr 10:31

  • 1 Jọn 2:15, 16

  • Gal 5:19-21

  • 1 Tim 2:9

• Vbọzẹe nọ na khẹke ne okpia vbe okhuo nọ muegbe orọnmwẹ gualọ ọtẹn nọ rẹn enegbe nọ khian gha re olaga vbe ugie orọnmwẹ ọghe iran?—Jọn 2:9, 10.

• De emwi eso nọ si ẹre ne Nick vbe Juliana na ru azẹ eso ne iran ru vbe iran ru emwamwa ọghe ugie orọnmwẹ ọghe iran?

• De ọmwa nọ wa bi yọ re izabọ, ne ọ ru atamuolọyan vbe nọ dekaẹn emwamwa ọghe ugie orọnmwẹ?—w06-E 10/15 25 ¶10.