Ke ẹghẹ gha dee ẹre avbe eguọmwadia e Jehova ke ru iwinna nọ hin okhuan nibun, sokpan ẹi re ẹtin obọ iran ẹre iran ya ru ẹre, e Jehova ẹre ọ ru iyobọ ne iran. Vbe ukpo 1954, otu e Jehova keghi ru e vidio ọkpa ladian nọ mwẹ uhunmwuta nọ khare wẹẹ, The New World Society in Action. Avbe etẹn ni ga vbe Bẹtẹl ni ma rẹn emwi rhọkpa vbekpa vbene a ya ru ikueta hẹ, ẹre ọ ru e vidio na. Orhiọn nọhuanrẹn ọghe Jehova ẹre ọ zẹ ighẹ iran sẹtin ru iwinna nọkhua na. Ọna wa ya ima mwẹ ilẹkẹtin wẹẹ, ma gha mu ẹtin yan e Jehova, ai miẹn iwinna ne ima i sẹtin ru.—Zẹk 4:6.

GHEE NE VIDIO, VBENE A YA RU E VIDIO NỌ MWẸ UHUNMWUTA NỌ KHARE WẸẸ, “THE NEW WORLD SOCIETY IN ACTION,” IYEKE ỌNI, A GHI ZẸ EWANNIẸN YE AVBE INỌTA NA:

• Vbọzẹ ne a na ru e vidio nọ guan kaẹn igiogbẹ ọghomwa?

• De vbene vidio na ya rhie ẹre ma hẹ wẹẹ, te Bẹtẹl yevbe na ghee egbe emwa nagbọn?—1 Kọr 12:14-20

• De isievẹn eso ne etẹn na werriẹ aro daa vbe iran ghaa ru ikueta na kevbe wẹẹ, de vbene iran ya la avbe isievẹn na gberra hẹ?

• De emwi ne vidio na maa ruẹ re vbekpa orhiọn nọhuanrẹn ọghe Jehova?