Etẹn nikhuo wa mwẹ iyobọ nọkhua ne iran ye vbe iwinna Arriọba. (Psm 68:11) Ẹi re avbiẹ emwa ẹre iran gu ruẹ e Baibol. Ẹi re avbiẹ etẹn ima nikhuo ẹre ọ vbe ga zẹvbe arọndẹ ọghe ẹghẹ hia. Etẹn ima nikhuo arriaisẹn nibun ẹre ọ rhiegbe ye iwinna ugamwẹ ughughan. Eso ga vbe Bẹtẹl, eso ga zẹvbe arọndẹ na gie yo isi, eso rhiegbe ye iwinna owa ugamwẹ na bọlọ, eso vbe ga vbe ugha izedu. Ẹi re iyobọ nekherhe ẹre etẹn nikhuo ni deziẹn vbe odẹ ọghe orhiọn ye vbe uwu ẹgbẹe ọghe iran kevbe uwu iko. (Itan 14:1) Agharhemiẹn wẹẹ, etẹn nikhuo i khian sẹtin gha ga zẹvbe ediọn ra eguọmwadia iwinna vbe uwu iko, iran gha ye sẹtin fian okhuo ne egbe iran vbe odẹ ọghe orhiọn. Adeghẹ ọtẹn nokhuo ẹre u khin, de okhuo eso ne u gha sẹtin fian ne egbuẹ?

• Hia ne u gha mwẹ avbe akpa esiesi nọ khẹke ne Ovbiotu e Kristi gha mwẹ. —1 Tim 3:11; 1 Pit 3:3-6

• Ru iyobọ ne etẹn nikhuo ni rre iko ne u ye ya gha mwẹ alaghodaro.—Tai 2:3-5

• Hia ne u guẹ sayọ vbe iwinna ikporhu, u vbe hia ne u rhie ẹghẹ ba ẹghẹ ne u ka ya yo ikporhu

• Ruẹ urhuẹvbo ọvbehe

• Gha rrie eke ne a na gualọ iyobọ etẹn

• Rhie obọ ye ebe wẹẹ u hoo ne u ya ga vbe Bẹtẹl ra u hoo ne u gha mwẹ obọ vbe iwinna owa ugamwẹ na bọlọ

• Rhie obọ ye ebe wẹẹ u hoo ne u yo Owebe Ọghe Etẹn Ni Kporhu Iyẹn Nọ Maan Ọghe Arriọba (SKE)

GHEE VIDIO NỌ MWẸ UHUNMWUTA NỌ KHARE WẸẸ, ‘IKHUO NI YA EKHỌE HIA WINNA NE NỌYAẸNMWA,’ IYEKE ỌNI, A GHI ZẸ EWANNIẸN YE INỌTA NA:

• De vbene ẹmwẹ ne dọmwadẹ etẹn ni rre vidio na tae, ya rhie igiọdu nuẹn hẹ?