UYINMWẸ ỌGHE IMA NE IVBIOTU E KRISTI
Gha Sọyẹnmwẹ Vbe U Ghaa Werriẹ Aro Daa Ukpokpo
Ivbiotu e Kristi rẹnrẹn wẹẹ iran gha werriẹ aro daa ukpokpo. (Jọn 15:20) Ẹmwata nọ wẹẹ, a ghaa zẹ ima kpokpo, ọ ya ima si osi, ugbẹnso, ọ vbe si obalọ ye ima egbe. Sokpan, deghẹ ima na zin egbe, ma ghi gha sọyẹnmwẹ.—Mat 5:10-12; 1 Pit 2:19, 20.
GHEE VIDIO NỌ MWẸ UHUNMWUTA NỌ KHARE WẸẸ, MA GHA YE SẸTIN GHA SỌYẸNMWẸ AGHARHEMIẸN WẸẸ MA WERRIẸ ARO DAA UKPOKPO, IYEKE ỌNI, A GHI ZẸ EWANNIẸN YE AVBE INỌTA NA:
De emwi ne okha ọghe Ọtẹn Nokpia Bazhenov ma ruẹ re vbekpa evbọzẹe nọ na khẹke na gha
-
tie Baibol vbe ẹdẹgbegbe?
-
miẹn iyobọ vbe obọ etẹn ne ima gba ga? a
-
na erhunmwu vbe ẹghẹ hia?
-
so ihuan Arriọba?
-
kporhu ma emwa ọvbehe?
a Ma gha sẹtin gha na erhunmwu ne avbe etẹn ima ni rre eghan, ma ghi kue vbe sunu yi eni iran vbe ima ghaa na erhunmwu. Vbọrhirhighayehẹ, abotu i khian sẹtin gu ima rhie elẹta gie avbe etẹn na.
