UYINMWẸ ỌGHE IMA NE IVBIOTU E KRISTI
Emwi Ne I Gha Ru Ne Emwa Mieke Na Gha Ya Aro Nọ Maan Ghee Ima
Aro emwa wa sotọ vbe egbe Avbe Osẹe Jehova. (1 Kọr 4:9) Ma sẹtin nọ egbe ima wẹẹ, ‘Ẹmwẹ ne I ta kevbe uyinmwẹ mwẹ, rhie uyi gie Jehova ra?’ (1 Pit 2:12) Ke ẹghẹ gha dee, te Avbe Osẹe Jehova wa ru emwi nọ ya emwa nibun ya aro nọ maan ghee iran. Ọ ma khẹke ne ima ru emwi rhọkpa nọ gha sa ọrho ye eni nọ maan ne ima ne Avbe Osẹe Jehova mwẹ.—Asan 10:1.
Gbẹnnẹ emwi nọ khẹke ne Ovbi Otu e Kristi ru, deghẹ emwi na gbẹnnẹ ye ototọ mwa na sunu:
-
Ọmwa nẹi re Osẹe Jehova wa ya ohu ta ẹmwẹ dan vbekpa ruẹ
-
Deghẹ ukpọn ruẹ, imọto ruẹ ra owa ruẹ na gbiruẹn
-
Arriọba gbe uhi ọkpa nọ lọghọ na lele, ra ne u ghee re wẹẹ ọ ma khẹke
De emwi ne avbe etẹn ni ru ezanzan vbe Writing Department ru, ne emwa mieke na gha ya aro nọ maan ghee Avbe Osẹe Jehova?
GHEE VIDIO NỌ MWẸ UHUNMWUTA NỌ KHARE WẸẸ, EMWI NE IMA RU NE EMWA MIEKE NA GHA YA ARO NỌ GHAAN GHEE ẸMWATA NỌ RRE BAIBOL, IYEKE ỌNI, A GHI ZẸ EWANNIẸN YE INỌTA NA:
De emwi nọ yẹẹ ruẹ vbekpa emwi ne otu na ru, ne emwi ne ima gbẹnnẹ ladian mieke na gha re nọ gbae?
