UYINMWẸ ỌGHE IMA NE IVBIOTU E KRISTI
Evbibiẹ Emọ—Uwa Ma Ivbi Uwa Vbene Iran Khian Ya Gha Ru Emwi Nọ Yẹẹ Osanobua
Te ẹmwẹ avbe igbama wa yẹẹ e Jehova. Ọ bẹghe alaghodaro kevbe izinegbe ne iran mwẹ vbe ugamwẹ ọghẹe. (1 Sam 2:26; Luk 2:52) Ọ gha khọnrẹn ne iran ye gha re ibiẹka, te ẹko wa rhiẹnrhiẹn e Jehova vbe iran ghaa ru emwi esi. (Itan 27:11) E Jehova wa loo otu ọghẹe ya kpemehe emwi ughughan ni gha ru iyobọ ne evbibiẹ emọ ya ma ivbi iran emwi, ne iran mieke na hoẹmwẹ e Jehova kevbe ne iran gha họn ẹmwẹ nẹẹn.
GHEE VIDIO NỌ MWẸ UHUNMWUTA NỌ KHARE WẸẸ, IBIẸKA—IZIENGBE ỌGHE UWA KEGHI YA ẸKO RHIẸNRHIẸN E JEHOVA! IYEKE ỌNI, A GHI ZẸ EWANNIẸN YE AVBE INỌTA NA:
-
De odẹ ughughan ne Jehova he ya ru iyobọ ne avbe igbama, ke ukpo nibun gha dee?
-
De emwi ughughan ne otu e Jehova he kpemehe ẹre, ne evbibiẹ emọ gha sẹtin loo?
-
Deghẹ igbama ẹre u khin, de emwi ne Jehova he kpemehe ẹre nọ ru iyobọ nuẹn? Vbọzẹ?
