December 30, 2024–January 5, 2025
PSALM 120-126
Ihuan 144 Kevbe Erhunmwu | Ẹmwẹ Ọghe Omuso (Ifuanro 1)
Ivbi Izrẹl ni werriegbe gha die ẹvbo iran gha ghọghọ vbe iran rhọ emwi vbe ugbo ọghe iran, rhunmwuda ne Jehova na fiangbe iran
1. Eve Ẹre Iran Ya Kọ Emwiokọ, Sokpan Oghọghọ Ẹre Iran Ya Rhọ Emwiorhọ Ọghe Iran
(Ifuanro 10)
Te Ivbi Izrẹl wa gha ghọghọ vbe a fan iran vbe Babilọn, ne iran dọlegbe ya mu ugamwẹ ẹmwata gbọọ (Psm 126:1-3)
Ẹ i mwẹ iran ni werriegbe gha rrie Judia ma viẹ, rhunmwuda iwinna nibun ne iran khian ru (Psm 126:5; w04 6/1 16 ¶10)
Iran ma gi egbe wọọ iran, vbe okiekie, Osanobua na fiangbe iran (Psm 126:6; w21.11 24 ¶17; w01 7/15 18-19 ¶13-14)
EMWI NỌ KHẸKE NE U MU RORO: Osanobua gha ghi miẹn ima fan nẹ vbe agbọn Esu na vbe okuo Amagẹdọn, de ọlọghọmwa eso ne ima khian gha mwẹ vbe ẹghẹ na khian ya werriegbe dọlọ emwi hia yi? De avbe afiangbe ne ima khian miẹn?
2. Emwi Ewe Ọghe Orhiọn
(Ifuanro 10)
-
Psm 124:2-5—Ma gha sẹtin ya aro yọ wẹẹ, e Jehova gha gbogba ga ima ne ima ghẹ miẹn ikuanegbe, vbene ọ vbe gbogba ga agbẹnvbo ọghe Izrẹl ra? (cl 73 ¶15)
-
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Psm 124:1–126:6 (th iruẹmwi 5)
4. U Gha Khian Suẹn Gha Gu Emwa Guan
(Ifuanro 3) IKPORHU ỌGHE ADESẸ ORERE. (lmd iruẹmwi 3 uhunmwu ẹmwẹ 5)
5. Rhie Obọ Lelẹe
(Ifuanro 4) KE OWA YA SẸ OWA. Vbe u ka kporhu ma ọmwa nii, ọ na wẹẹ irẹn ma ya emwi nọ rre Baibol yi. (lmd iruẹmwi 9 uhunmwu ẹmwẹ 5)
6. Ya Emwa Khian Erhuanegbe
Ihuan 155
7. Gi Avbe Eyan Ọghe Osanobua Gha Ya Ruẹ Sọyẹnmwẹ
(Ifuanro 15) Ọta na koko zẹ iro yan.
E Jehova mu eyan nọ yan ma emwa rẹn ni ghaa rre imu vbe Babilọn sẹ. Ọ miẹn iran fan, ọ na vbe ya orukhọ ne iran ru vbe ẹghẹ nọ gberra bọ iran. (Aiz 33:24) Ọ gbogba ga iran kevbe emwirri ọghe iran vbe obọ avbe oduma kevbe avbe aranmwẹ ni khọọ ọvbehe, rhunmwuda te avbe aranmwẹ na ghi wa gha bun vbe ẹvbo nii, vbe uwu ẹghẹ ne iran ya gha rre imu. (Aiz 65:25) Te egbe wa rọkhọ iran vbe owa ne iran ghaa ye, erriọ iran vbe ya gha rhọ emwiorhọ ni ghaa ladian vbe ugbo azara ọghe iran. (Aiz 65:21) Osanobua keghi fiangbe iwinna iran, ọ na vbe rhie utọmwẹ ne iran.—Aiz 65:22, 23.
Waterfall: Maridav/stock.adobe.com; mountains: AndreyArmyagov/stock.adobe.com
Kpee VIDIO na Gi Eyan Ọghe Ọfunmwegbe Ne Osanobua Ru Gha Ya Ruẹ Sọyẹnmwẹ—Abọ Ne Kuẹi Vbọ. Iyeke ọni, u ghi we ne etẹn zẹ ewanniẹn ye avbe inọta na:
-
De odẹ eso ne avbe ẹmwẹ akhasẹ na ya sẹ hẹ vbe ẹdẹnẹrẹ?
-
De vbene avbe ẹmwẹ akhasẹ na khian ya sẹ hẹ vbe uhunmwu otagbọn na vbe agbọn ọgbọn?
-
De ne uwẹ wa khẹ nọ rherhe sunu vbọ?
8. Iruẹmwi E Baibol Ọghe Iko
(Ifuanro 30) bt uhunmwuta 20 ¶8-12, ẹkpẹti nọ rre ipapa 183
