November 18-24
PSALM 107-108
Ihuan 7 Kevbe Erhunmwu | Ẹmwẹ Ọghe Omuso (Ifuanro 1)
1. “Wa Rhie Ekpọnmwẹ Ne Jehova Rhunmwuda Ighẹ Ọ Maan”
(Ifuanro 10)
Vbene Jehova ya miẹn Ivbi Izrẹl fan vbe Babilọn, erriọ vbe ya miẹn ima fan vbe agbọn Esu na (Psm 107:1, 2; Kọl 1:13, 14)
Te ima rho e Jehova vbe uwu iko, rhunmwuda wẹẹ ima hoo ne ima kpọnmwẹ ọnrẹn ye emwi hia nọ he ru ne ima (Psm 107:31, 32; w07 4/15 20 ¶2)
Deghẹ ima na gha mu emwi hia ne Jehova he ru ne ima roro, ọ gha ya ima gha mwẹ ekhọe ọkpọnmwẹ ẹse (Psm 107:43; w15 1/15 9 ¶4)
2. Emwi Ewe Ọghe Orhiọn
(Ifuanro 10)
-
Psm 108:9—Vbọzẹ na na ya e Moab gie “uwawa akhuẹ” ọghe Osanobua? (it-2 420 ¶4)
-
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Psm 107:1-28 (th iruẹmwi 5)
4. U Gha Khian Suẹn Gha Gu Emwa Guan
(Ifuanro 3) IKPORHU ỌGHE ẸGHẸ KE ẸGHẸ. (lmd iruẹmwi 1 uhunmwu ẹmwẹ 4)
5. Rhie Obọ Lelẹe
(Ifuanro 4) IKPORHU ỌGHE ẸGHẸ KE ẸGHẸ. Rhan otọ vbene ima ya gu emwa ruẹ e Baibol ma rẹn, u ghi vbe rhie ekadi nọ ya emwa rẹn wẹẹ ima gu emwa ruẹ e Baibol nẹẹn. (lmd iruẹmwi 9 uhunmwu ẹmwẹ 3)
6. Ọta Ọghe Ọwara
(Ifuanro 5) ijwyp 90—Uhunmwuta: Vbọ Khian Ru Iyobọ Mẹ Ne I Ghẹ Gha Roro Emwi Vbe Odẹ Nọ Ma Gba? (th iruẹmwi 14)
Ihuan 46
7. Te Ima So Ihuan Ya Kpọnmwẹ E Jehova
(Ifuanro 15) Ọta na koko zẹ iro yan.
Vbe Jehova ghi miẹn Ivbi Izrẹl fan vbe obọ ivbiyokuo ọghe Igipt ni mwẹ ẹtin ẹsẹse vbe Okun Nọ Baa, Ivbi Izrẹl na zẹ ihuan so ya kpọnmwẹ e Jehova. (Ẹks 15:1-19) Ivbi Izrẹl nikpia ẹre ọ mu asanikaro vbe ihuan ọgbọn ne iran so na. (Ẹks 15:21) Jesu kevbe Ivbi Otu e Kristi ni ghaa rrọọ vbe ẹghẹ ọghe avbe ukọ, vbe gha so ihuan ya rho Osanobua. (Mat 26:30; Kọl 3:16) Te ima rhie ẹre ma wẹẹ ima gbọyẹmwẹ ye emwi hia ne Jehova ru ne ima, vbe ima ghaa so ihuan vbe iko, asikoko ọghe otako kevbe asikoko nọkhua. Vbe igiemwi, ke ukpo 1966 gha dee, ẹre ima ke so ihuan ne ima so ban nọ re, “Ma Rhie Ekpọnmwẹ Nuẹ, E Jehova,” vbe iko ọghe ima.
Vbe ẹvbo eso, ekhue i gi ikpia so ihuan vbe idagbo. Eso i hoo ne iran so ihuan rhunmwuda, iran roro ẹre wẹẹ urhu iran i rhiẹnrhiẹn. Vbọrhirhighayehẹ, ọ khẹke ne ima yerre wẹẹ, ihuan ne ima so vbe iko keghi re odẹ ọkpa ne ima ya ga e Jehova. Otu e Jehova wa gbẹnnẹ ihuan ọgbọn ladian, erriọ iran vbe ya zẹ ihuan ughughan ne ima loo vbe dọmwadẹ iko, ọna i zẹdẹ re iwinna nekherhe. Emwi nọ ghi khẹke ne ima ru, ọre ne ima ku urhu kugbe so ihuan, ne ima ya rhie ẹre ma wẹẹ ima hoẹmwẹ e Jehova kevbe wẹẹ ima gbọyẹmwẹ ye emwi nọ ru ne ima—ọna ma lọghọ gbe.
Kpee VIDIO na Alaghodaro Nọ Rre Otu E Jehova—Avbe Ihuan Ọghe Ima, Abọ 2. Iyeke ọni, u ghi we ne etẹn zẹ ewanniẹn ye avbe inọta na:
-
De emwi kpataki nọ sunu vbe ukpo 1944?
-
De vbene etẹn ima ni rre Siberia ya rhie ẹre ma wẹẹ, ihuan Arriọba na so yẹẹ iran?
-
Vbọzẹ ne ihuan na so na ru ekpataki ne Avbe Osẹe Jehova?
8. Iruẹmwi E Baibol Ọghe Iko
(Ifuanro 30) bt uhunmwuta 18 ¶6-15
