EBE IWINNA NA LOO VBE NE IKO–UYINMWẸ KEVBE IWINNA ỌGHE IMA NE IVBIOTU E KRISTI October 2016
Vbene A Khian Ya Rhiẹre Ladian Hẹ
Azẹvbiro na khian loo ya rhie Awake! kevbe ebe itie ọghe iko ladian hẹ kevbe vbene a khian ya gie emwa rẹn hẹ vbuwe Baibol, emwi nọ sunu daa ima vbe ima gha wu. Muegbe ẹre yotọ ighẹ ẹmwẹ obọ ruẹ ne u khian ta ya rhiẹre ladian.
EMWI EWE NI RRE UWU ẸMWẸ ỌGHE OSANOBUA
‘Ya Ekhọe Ruẹ Hia Mu Ẹtin Yan E Jehova’
Ebe Itan uhunmwu ẹnrẹn 3 rhie ilẹkẹtin ne ima wẹẹ e Jehova gha san ima ẹse deghẹ ima na mu etin yan rẹn. De vbene u khian ya rẹn hẹ deghẹ u gele ya ekhọe ruẹ hia mu etin yan e Jehova?
EMWI EWE NI RRE UWU ẸMWẸ ỌGHE OSANOBUA
‘Ghẹ Gi Emwi Rhọkpa Fi Ruẹ Ekhọe Werriẹ’
Ebe Itan uhunmwu ẹnrẹn 7 keghi gie vbene okhuo ọkpa ya si ọvbokhan okpia ọkpa ru orukhọ hẹ rhunmwuda wẹẹ ekhọe ọghẹe fi werriẹ vbe nọ dekaan ilele ọghe Jehova. De emwi ne ima gha miẹn ruẹ vbe abakuru ọghẹe?
EMWI EWE NI RRE UWU ẸMWẸ ỌGHE OSANOBUA
Ẹwaẹn Ẹre Ọ Maan Sẹ Igoru
Ebe Itan uhunmwu ẹnrẹn 16 khare wẹẹ ẹwaẹn ẹre ọ maan sẹ igoru. Vbọsiẹ ne ẹwaẹn ọghe Osanobua na ru ekpataki?
UYINMWẸ ỌGHE IMA NE IVBIOTU E KRISTI
Vbene A Ya Zẹ Ewanniẹ Nọ Maan Hẹ
Ewanniẹ nọ maan keghi rhie igiọdu ne etẹn ni rre iko, ọmwa nọ zẹ ne ewanniẹ vbe miẹn ere vbọ. De vbene a khian ya rẹn ewanniẹ nọ maan hẹ?
EMWI EWE NI RRE UWU ẸMWẸ ỌGHE OSANOBUA
Hia Ne U Gu Emwa Ọvbehe Gha Rrọọ Vbuwe Ọfunmwegbe
Ọfunmwegbe nọ rre uwu ẹbu eguọmwadia ọghe Jehova i re emwi ne a wa sẹ odẹ miẹn. Adia nọ rre Ẹmwẹ Ọghe Osanobua gha sẹtin mu ekhọe rriotọ kevbe ọ gha vbe ru iyobọ ne ima ya gha gu emwa ọvbehe rrọọ vbuwe ọfunmwegbe.
EMWI EWE NI RRE UWU ẸMWẸ ỌGHE OSANOBUA
“Ma Ọmọ Vbene Ọ Gha Yin Hẹ”
Vbọsiẹ nọ na khẹke na gha gbe emọ hin ọkhọ rre na mieke na sẹtin koko iran ẹse? Ebe Itan 22 keghi mwẹ ibude ni maan nọ gha ru iyobọ ne evbibiemọ.
UYINMWẸ ỌGHE IMA NE IVBIOTU E KRISTI
Uwẹ Loo Ẹre Ẹse Ighẹ E Kadi Nọ Dia Ọmwa Lae JW.ORG Ra?
Loo e kadi nọ dia ọmwa lae wẹbsaiti ọghe ima vbe ẹkpotọ nọ rhirhi kie ya rhie ekhọe ọghe emwa ghee Ẹmwẹ Ọghe Osanobua.
