UYINMWẸ ỌGHE IMA NE IVBIOTU E KRISTI
Ahoẹmwọmwa Ọre Ama Ne A Ya Rẹn Ivbiotu E Kristi Ọghe Ẹmwata—Hẹe Yotọ Ekhọe Emwidamwẹ Kevbe Ohu Na Mu
EVBỌZẸE NE Ọ NA RU EKPATAKI: Jesu maa emwa re wẹẹ ahoẹmwọmwa ọre ama na khian ya rẹn erhuanegbe ọghe irẹn. (Jọn 13:34, 35) Ne ima ya rhiẹre ma wẹẹ ima mwẹ egbe ahoẹmwọmwa ne Kristi mwẹ, te ima khian gha mu ọghe emwa ọvbehe ye okaro kevbe wẹẹ, ima ghi vbe hia ne ima ghẹ gha mu ohu.—1 Kọr 13:5.
VBENE A YA RUẸ HẸ:
-
Adeghẹ ọmwa na ta ẹmwẹ, ra ọ na ru emwi nọ sọnnọ ruẹ, u ghi ka zin egbe nẹ, ne u muẹn roro emwi nọ ya ọmwa nii guan vberriọ ra ne ọ yae yin vberriọ; u ke zẹ emwi ru, ka muẹn roro ighẹ emwi nọ khian kẹrikian.—Itan 19:11
-
Ghẹ mianmian wẹẹ emwa ni ma gba ẹre ima hia khin, ọ vbe mwẹ ẹghẹ eso ne ima ya ta ẹmwẹ, ra ne ima ya ru emwi nọ ya ima gbe I ma rẹn vbe okiekie
-
Rherhe gha ru adọlọ
VBE A GHA GHI GHEE ẸRE FO NẸ IGHẸ NE VIDIO “WA GHA HOẸMWẸ EGBE”—HẸE YOTỌ EKHỌE EMWIDAMWẸ KEVBE OHU NA MU, U GHI ZẸ EWANNIẸN YE AVBE INỌTA NA:
-
De odẹ nọ ma khẹke ne Larry ya zẹ ẹmwẹ wanniẹn e Tom, vbe ọ mu iziro ọkpa rre?
-
Ne Tom ma na rherhe zẹ ẹmwẹ wanniẹn e Larry, vbe ọni a ya ru iyobọ nẹẹn hẹ ya sẹtin gbe ibiẹ rrie?
-
De vbene ẹmwẹ ne khuẹrhẹ ne Tom tae ghi ya ru iyobọ ne iran hẹ, ne ẹzọ ghẹ lae rre?
De ere ne etẹn ni rre iko khian lae miẹn deghẹ ima na gha gbe ibiẹ rrie vbe ohu ghaa mu ima?
