EMWI EWE NI RRE UWU ẸMWẸ ỌGHE OSANOBUA | PSALM 119
‘Khian Lele Uhi ọghe Jehova’
Evba yae kha, na gha khian lele uhi ọghe Jehova ọre na gha ya ekhọe hia lele adia ọghe Osanobua. Igiemwi ọghe emwa nibun ni lele uhi ọghe Jehova kevbe ni mu orhiọn yan rẹn keghi rre uwu e Baibol. Ọkpa vbuwe iran keghi re ọsihuan.
Uhi ọghe Osanobua na lele keghi ya ọmwa mwẹ oghọghọ ọghe ẹmwata
119:1-8
E Jọsua keghi rhiẹre maa wẹẹ irẹn mwẹ ilẹkẹtin yan adia ọghe Jehova. Ọ rẹnrẹn wẹẹ ne irẹn mieke na gha mwẹ oghọghọ kevbe ne irẹn musọe, te irẹn gha ya ekhọe hia mu ẹtin yan e Jehova
Evbagbẹn Nọhuanrẹn keghi rhie igiọdu ne ima, vbe ẹghẹ ọlọghọmwa
119:33-40
E Jerimaia keghi rhie udinmwẹ ma vbe ọ rre uwu ibavbaro, ọ na vbe rhiẹre ma wẹẹ irẹn mu orhiọn yan e Jehova. Ọ na ya arrọọ ọghẹe khian ne khuẹrhẹ vbene ọ na ye rhiegba ye iwinna na mu nẹ
Irẹnmwi nọ gbae ọghe Evbagbẹn Nọhuanrẹn keghi ya ima mwẹ udinmwẹ vbe ikporhu
119:41-48
Ohan ma mu e Pọl nọ ya kporhu iyẹn nọma ma ọmwaikọmwa. Irẹn wa gha mwẹ ilẹkẹtin wẹẹ e Jehova gha ru iyobọ ne irẹn vbe ẹghẹ nọ ya ye udinmwẹ kporhu ma e Fẹlis ne Gọvina
De ẹghẹ ne I khian ya rhiẹre ma wẹẹ I mwẹ udinmwẹ vbe I gha kporhu?
-
Owebe
-
Isiwinna
-
Ẹgbẹe
-
Ọvbehe
