RHIEGBE YE IWINNA IKPORHU IYẸN NỌ MAAN | EMWI NỌ GHA YA RUẸ GHA SỌYẸNMWẸ IWINNA IKPORHU SAYỌ
Miẹn Iyobọ Ọghe Etẹn Ne Ima Gba Ga Yi
Te Jehova ya etẹn “ni rre agbọn na hia” ru ima ẹse. (1 Pit 5:9) Iran gha sẹtin ru iyobọ ne ima ya musọe vbe ima ghaa werriẹ aro daa isievẹn eso vbe iwinna ikporhu. Vbe igiemwi, e Pọl wa miẹn iyobọ vbe obọ Akuila, Prisila, Sailas, Timoti, kevbe emwa ọvbehe.—Iwinna 18:1-5.
De odẹ eso ne etẹn gha ya sẹtin ru iyobọ nuẹn vbe ikporhu? Iran sẹtin tama ruẹ emwi ne u gha ru adeghẹ ọmwa ma hoo ne irẹn danmwehọ, vbene u gha ya sẹtin mu otuẹ gie emwa ne u ka kporhu ma, vbene u khian ya tama ọmwa wẹẹ, u hoo ne u suẹn gha gu ẹre ruẹ e Baibol kevbe vbene u khian ya gha gu ọmwa ruẹ e Baibol. Gualọ ọtẹn nọ gha sẹtin ru iyobọ nuẹn vbe iko ne u ye, u ghi vbe tama rẹn nọ ru iyobọ nuẹn. Ẹi mwẹ uwa eva ma miẹn ere vbọ, erriọ ọyẹnmwẹ khian vbe ya gha sẹ uwa.—Fil 1:25.
GHEE VIDIO NỌ MWẸ UHUNMWUTA NỌ KHARE WẸẸ, GHA SỌYẸNMWẸ IWINNA ỌGHE NA YA EMWA KHIAN ERHUANEGBE KRISTI—MIẸN IYOBỌ ỌGHE JEHOVA YI—ETẸN NE IMA GBA GA, IYEKE ỌNI, A GHI ZẸ EWANNIẸN YE AVBE INỌTA NA:
-
De vbene Neeta ya rhie igiọdu ne Jade nọ gha die iko?
-
Vbọzẹ nọ na khẹke ne ima tie etẹn ọvbehe ne iran deba ima vbe ima gha khian ya gu ọmwa ruẹ e Baibol?
-
Etẹn hia ni rre uwu iko ẹre ọ ru iyobọ ne ọmwa ya do khian ọrhuanegbe Kristi
De emwi nọ yẹẹ Jade nọ vbe gha yẹẹ Ọtẹn Nokhuo Abigay?
-
De emwi eso ne u gha miẹn ruẹ vbe obọ etẹn ne ima gba ga?
