UYINMWẸ ỌGHE IMA NE IVBIOTU E KRISTI
E Jehova Miẹn Iran Hia Ne Iro Han Rẹn Fan
Ọ mwẹ ẹghẹ eso ne ima i ya ghọghọ. Deghẹ ọmwa i ghọghọ ugbẹnso, ọ ma rhie ma wẹẹ ọ ma mu ẹtin yan e Jehova. Rhunmwuda, e Jehova tobọre vbe tae wẹẹ, ọ mwẹ ẹghẹ eso ne irẹn i ya ghọghọ. (Gẹn 6:5, 6) Sokpan, deghẹ a na ghi miẹn wẹẹ, ẹghẹ nibun ra ẹghẹ hia ẹre ima i ya ghọghọ ghi vbo?
Na erhunmwu gie Jehova nọ ru iyobọ nuẹn. E Jehova gele wa hoo nọ rẹn vbene emwi ye ima hẹ. Ọ rẹn ẹghẹ ne ima i ya ghọghọ, kevbe ẹghẹ ne ima ya ghọghọ. Ẹghẹ ke ẹghẹ ne ima i ya ghọghọ, ọ rẹn emwi nọ si ẹre. (Psm 7:9b) Nọ ghi wa sẹ ehia ọre wẹẹ, e Jehova gbaroghe ima, ọ gha vbe sẹtin ru iyobọ ne ima deghẹ ima i ghọghọ, ra deghẹ iro na han ima.—Psm 34:18.
Gbogba ga ekhọe ruẹ. Emwi ghaa kpokpo ima vbe orhiọn, ma i khian gha ghọghọ. Ẹi re ọni ọkpa, ọ sẹtin vbe si ima ghee iyeke vbe ugamwẹ e Jehova. Rhunmwuda ọni, te ọ khẹke ne ima gbogba ga ẹkokoudu ọghe ima, ọni ọre emwi hia ne ima mu roro vbe ekhọe.—Itan 4:23.
GHEE VIDIO NỌ MWẸ UHUNMWUTA NỌ KHARE WẸẸ, ETẸN IMA YE MWẸ ỌFUNMWEGBE AGHARHEMIẸN WẸẸ IRO HAN IRAN, IYEKE ỌNI, A GHI ZẸ EWANNIẸN YE AVBE INỌTA NA:
-
De emwi eso ne Nikki ru, nọ ghi ru iyobọ nẹẹn, vbe ẹghẹ ne iro ya han rẹn?
-
Vbọzẹ ne Nikki na gha roro ẹre wẹẹ, ọ khẹke ne irẹn ya miẹn ọbo ebo?—Mat 9:12
-
De odẹ eso ne Nikki ya rhie ẹre ma wẹẹ irẹn mu ẹtin yan e Jehova?
