Ako nokaro ọghe wẹbsait ọghe ima wa mwẹ uhunmwuta eso kevbe vidio eso ni gha yẹẹ emwa nẹi re Osẹe Jehova ni mwẹ ekhọe esi. (Iwinna 13:48) Emwi na mobọ mu ladian vba ọre emwi nọ ladian vbe ugha iyẹn kevbe emwi ne emwa guan kaẹn ra ne iran mu roro.

Vbua khian ya loo emwi nọ rre ako nokaro ọghe jw.org hẹ vbe u ghaa kporhu?

• Gha lae jw.org vbe ẹghẹ hia. Hia ne u rẹn emwi na mu ye ako nokaro vbe jw.org, u ghi vbe roro vbene u gha ya sẹtin loo ẹre ya ru iyobọ ne ọmwa nọ hoo nọ rẹn sayọ. (Deghẹ u hoo ne u miẹn emwi eso na mu ye ako nokaro vbe jw.org vbe ẹghẹ eso nọ gberra, u ghi klik eke na gbẹn “See More” yi.) Deghẹ u na gha lae jw.org vbe ẹghẹ hia, ọ gha ru iyobọ nuẹn ya rẹn emwi ughughan ne u gha sẹtin loo ya kporhu ma emwa.

• Loo avbe uhunmwuta kevbe vidio ni rre ako nokaro ya suẹn gha gu emwa ziro. Ọna gha sẹtin ya ima rẹn emwi ne emwa ni rre ẹdogbo ne ima na kporhu mu roro vbe ekhọe.

• Gha mu ako nokaro ọghe wẹbsait ima ma emwa. Sunu ye uhunmwuta eso na mu ladian vbọ, u ghi vbe ma ọmwa nii vbene ọ gha ya miẹn emwi ughughan hẹ, vbe nene wẹbsait.

• Sẹnd e link gie ọmwa. Emwa eso i mobọ hoo ne ima kporhu ma iran, sokpan, iran wa mu egbe ne iran khian ya lae wẹbsait ọghe ima. Rhunmwuda ọni, ghẹ si egbe ghee iyeke, gha sẹnd e link ọghe ako nokaro ọghe wẹbsait ima gie emwa ni hoo ne iran rẹn sayọ, ra e link ọghe uhunmwuta ra e vidio ọvbehe nọ rre ako nokaro nii.