UYINMWẸ ỌGHE IMA NE IVBIOTU E KRISTI

Ru Iyobọ Ne Emwa Ni Ma Ya Osa Yi Ya Do Rẹn Ayi Nọ Yi Iran

KPẸRE

U zẹdia si egbe ghee iyeke vbe u gha khian kporhu ma emwa ni ma ya Osa yi, rhunmwuda ne u na roro ẹre wẹẹ iran i khian danmwehọ ruẹ ra? Deghẹ erriọ nọ, u ghi yerre wẹẹ emwa nibun ni ma ka ya Osa yi, khian Osẹe Jehova nẹ. Emwi nọ ya iran nibun fi werriẹ, ọre na na ru iyobọ ne iran ya do bẹghe osẹ nọ rhie ẹre ma wẹẹ, Osanobua gele rrọọ.—Rom 1:20; 10:14.

GHEE VIDIO NỌ MWẸ UHUNMWUTA NỌ KHARE WẸẸ, YERRE WẸẸ—EMWA NẸI KA MWẸ AMUẸTINYAN GHA SẸTIN DO GHA MWẸ AMUẸTINYAN!—EMWA NI MA YA OSA YI, IYEKE ỌNI, A GHI ZẸ EWANNIẸN YE INỌTA NA:

De vbene emwi nọ sunu daa e Tommaso ya ru iyobọ nuẹn ya rẹn wẹẹ, emwa ni ma ya Osa yi gha sẹtin vbe danmwehọ vbe u gha kporhu ma iran?

Ewanniẹn ruẹ

Vbene a ya ru ẹre hẹ

Ọmwa gha kha wẹẹ irẹn ma ya Osa yi, ghẹ gu ẹre muan ẹmwẹ, u ghi ya ẹwaẹn gu ẹre guan, u ghi vbe hia ne u rẹn emwi nọ gele rre ọre ekhọe. (2Tim 2:24) Gu ẹre ziro vbekpa emwi nọ gha mu ẹre ekhọe. Deghẹ ọmwa nii hoo ne uwa ziro yan emwi eso nọ ghi do ya emwa nibun yayi wẹẹ Ayi rrọọ, u ghi loo avbe vidio kevbe ebe ni guan kaẹn ẹmwẹ na, ya ru iyobọ nẹẹn. A viọ ebe ẹmu na tie ẹre Was Life Created? kevbe The Origin of Life—Five Questions Worth Asking ba Emadogua Ne A Ya Maa Emwa Emwi, na mieke na rherhe gha miẹn iran loo.

U gha miẹn ọmwa nọ ma ya Osa yi, ohan sẹtin gha mu ruẹ vbe u gha khian kporhu ma rẹn. Rhunmwuda ọni, u sẹtin wẹẹ ne ọtẹn ọkpa nọ wa gua kporhu ru iyobọ nuẹn. Yerre wẹẹ, e Jehova gha sẹtin ru iyobọ ne ima ya kporhu ma emwa vbe odẹ nọ gha mu iran ekhọe, ọ gha khọnrẹn wẹẹ iran ma ka yayi wẹẹ irẹn rrọọ.—Iwinna 13:48.

EBE IWINNA NA LOO VBE NE IKO–UYINMWẸ KEVBE IWINNA ỌGHE IMA NE IVBIOTU E KRISTI