Ọkpa vbe usun odẹ nọ ghi maan sẹ, ne evbibiẹ emọ gha ya sẹtin ru iyobọ ne ivbi iran ya gha mwẹ ẹwaẹn nọ ke obọ Osanobua rre, ọre ne iran ru iyobọ ne iran ya gha miẹn ere vbe iko. Emwi ne avbe igbama bẹghe, emwi ne iran họn, kevbe ẹmwẹ ne iran ta vbe ewanniẹn ne iran zẹ vbe iko, gha sẹtin ru iyobọ ne iran ya ruẹ vbekpa e Jehova, ọ gha vbe sẹtin ya iran gha re ọsiọre. (Diut 31:12, 13) Deghẹ u mwẹ emọ, vbua khian ya ru iyobọ ne iran hẹ, ne iran mieke na gha miẹn ere vbe iko?

• Uwa hia ne uwa gha yo iko vbe Ọgua Arriọba.—Psm 22:22

• Kie ẹkpotọ yọ, ne uwa mieke na sẹtin gha tuẹ etẹn vbene a te suẹn iko kevbe vbe a gha zobọ nẹ vbe iko.—Hib 10:25

• Te ọ khẹke ne emwa hia vbe ẹgbẹe ruẹ gha mwẹ ebe na khian tie vbe iko, ọre na print nọ ra na danlod ye efoni

• Ru iyobọ ne ovbuẹ ya sẹtin ya ẹmwẹ obọ re zẹ ewanniẹn.—Mat 21:15, 16

• Gi ẹmwẹ ne u ta vbekpa iko na yo kevbe emwi na ruẹ vba, gha re nọ maan

• Ru iyobọ ne ivbuẹ ya gha mwẹ obọ vbe iwinna akpehuan na ru vbe Ọgua Arriọba, kevbe ne iran vbe gha gu eniwanrẹn ni rre iko guan

Na do ru iyobọ ne emọ ya sikẹ Jehova i re iwinna nekherhe, ugbẹnso ọ sẹtin wa ya egbe wọọ ọmwa. Sokpan, ghẹ mianmian wẹẹ e Jehova gha ru iyobọ nuẹn.—Aiz 40:29.

GHEE VIDIO NỌ MWẸ UHUNMWUTA NỌ KHARE WẸẸ, EVBIBIẸ EMỌ, UWA MU ẸTIN YAN E JEHOVA, Ọ GHA RHIE ẸTIN NE UWA, IYEKE ỌNI, A GHI ZẸ EWANNIẸN YE AVBE INỌTA NA:

• De emwi ne egbewọmwẹ si ye Zack vbe Leah egbe?

  Ewanniẹn ruẹ

• Vbọzẹ nọ na khẹke ne evbibiẹ emọ gha gualọ iyobọ vbe obọ e Jehova?

  Ewanniẹn ruẹ

• De vbene Zack vbe Leah ya mu ẹtin yan e Jehova hẹ?

  Ewanniẹn ruẹ