October 7-13
PSALM 92-95
Ihuan 84 Kevbe Erhunmwu | Ẹmwẹ Ọghe Omuso (Ifuanro 1)
1. Odẹ Nọ Ghi Maan Sẹ Ne Ima Gha Ya Loo Ẹdagbọn Ima Ọre Ne Ima Yae Ga E Jehova!
(Ifuanro 10)
E Jehova sẹ ne ima gha ga (Psm 92:1, 4; w18.04 26 ¶5)
Ẹwaẹn ne Jehova rhie ne emwa rẹn i gia gie (Psm 92:5; w18.11 20 ¶8)
Ọ hoẹmwẹ emwa ni gae, uhiẹn vbe iran gha khian ọmaẹn nẹ (Psm 92:12-15; w20.01 19 ¶18)
NỌ EGBUẸ WẸẸ, ‘Vbọ da mwẹ obọ yi, ne ima na he ya egbe fi ohan ne Jehova, ne I vbe dinmwiamẹ?’
2. Emwi Ewe Ọghe Orhiọn
(Ifuanro 10)
-
Psm 92:5—De vbene ẹmwẹ nọ rre ako na ya rhie ẹre ma wẹẹ, e Jehova gele mwẹ ẹwaẹn? (cl 176 ¶18)
-
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Psm 94:1-23 (th iruẹmwi 5)
4. U Gha Khian Suẹn Gha Gu Emwa Guan
(Ifuanro 4) IKPORHU ỌGHE ẸGHẸ KE ẸGHẸ. Gualọ ẹkpotọ ne u khian ya tama ọmwa ne u gu guan vbekpae vbene u ya ya e Baibol ma emwa emwi hẹ. (lmd iruẹmwi 5 uhunmwu ẹmwẹ 3)
5. Rhie Obọ Lelẹe
(Ifuanro 3) IKPORHU ỌGHE ẸGHẸ KE ẸGHẸ. Tama ọmwa nọ ma ka kue yọ na gha gu irẹn ruẹ e Baibol vbe ẹghẹ nọ gberra wẹẹ, u gha hoo ne u do gha gu ẹre ruẹ e Baibol; ọmwa na kha na gele hoo nọ rẹn e Baibol sayọ. (lmd iruẹmwi 8 uhunmwu ẹmwẹ 4)
6. Ya Emwa Khian Erhuanegbe
(Ifuanro 5) Wẹ vbe ọmwa ne u gu ruẹ e Baibol nẹi mwẹ alaghodaro ghi gba zẹ iro. (lmd iruẹmwi 12 uhunmwu ẹmwẹ 5)
Ihuan 5
7. Avbe Igbama Ghaa Si Osi
(Ifuanro 15) Ọta na koko zẹ iro yan.
Ọmwa ga e Jehova ma rhie ma wẹẹ, ẹ i khian gha si osi. Vbe igiemwi, ọ mwẹ ẹghẹ eso ne Devid ya gha si osi, erriọ ẹre ọ wa vbe ye ne etẹn ima nibun vbe ẹdẹnẹrẹ. (Psm 13:2; 139:23) Evbọ da ọmwa nọ wẹẹ, avbe igbama wa vbe si osi. Ugbẹnso, rhunmwuda osi nọ si avbe igbama, emwi eso ne iran ru vbe ẹghẹ hia, vbe na ghee esuku na yo kevbe iko na yo, sẹtin wa khan iran. Ugbẹnso, ọ sẹtin ya udu si iran, afianma ghi gha fian iran, orhiọn iran i ghi sotọ. Vbe ẹghẹ eso, iran sẹtin gha roro ẹre wẹẹ, iran gbe egbe iran rua, ẹre ọ wa maan sẹ.
Avbe igbama, ẹghẹ ke ẹghẹ ne uwa ya si osi, wa ghi tama evbibiẹ uwa ra enọwanrẹn ọvbehe. Ghẹ vbe mianmian ya na erhunmwu gie Jehova nọ ru iyobọ nuẹn. (Fil 4:6) Ọ gha ru iyobọ nuẹn. (Psm 94:17-19; Aiz 41:10) Gia zẹ iro yan igiemwi ọghe Ọtẹn Nokpia Steing.
Kpee VIDIO na E Jehova Keghi Gbaroghe Mwẹ. Iyeke ọni, u ghi we ne etẹn zẹ ewanniẹn ye avbe inọta na:
• De ako ọghe Baibol nọ ru iyobọ ne Ọtẹn Nokpia Steing, vbọzẹ ne ako na na ru iyobọ nẹẹn?
• De vbene Jehova ya gbaroghe ẹre hẹ?
Evbibiẹ emọ, wa gha sẹtin ru iyobọ ne ivbi uwa vbe osi ghaa si iran, deghẹ uwa na gbehọkotọ gha danmwehọ iran, deghẹ uwa na gha rhie ẹre ma wẹẹ uwa hoẹmwẹ iran, kevbe deghẹ uwa na ru iyobọ ne iran ya rẹn wẹẹ, e Jehova hoẹmwẹ iran. (Tai 2:4; Jems 1:19) Wa mu ẹtin yan e Jehova, nọ rhie igiọdu kevbe ẹtin ne uwa, ne uwa mieke na sẹtin ru iyobọ ne ivbi uwa.
Ugbẹnso, ọtẹn vbe uwu iko sẹtin wa kakabọ gha si osi, sokpan ma i rẹn. Ugbẹnso, ma i vbe rẹn vbene emwi gele ye ẹre hẹ. Ọrheyerriọ, deghẹ ima na gi etẹn hia ni rre iko rẹn wẹẹ, ma hoẹmwẹ iran kevbe wẹẹ iran mwẹ esa ne iran ye, ọ gha wa ru iyobọ ne iran.—Itan 12:25; Hib 10:24.
8. Iruẹmwi E Baibol Ọghe Iko
(Ifuanro 30) bt uhunmwuta 16 ¶6-9, ẹkpẹti nọ rre ipapa 150
