September 2-8
PSALM 79-81
Ihuan 29 Kevbe Erhunmwu | Ẹmwẹ Ọghe Omuso (Ifuanro 1)
1. Gha Rhie Ẹre Ma Wẹẹ U Hoẹmwẹ Eni E Jehova Nọ Hin Usi
(Ifuanro 10)
Ghẹ ru emwi ke emwi nọ gha rhie ozan gie eni e Jehova (Psm 79:9; w17.02 9 ¶5)
Gha tu tie eni e Jehova (Psm 80:18; ijwbv 3 ¶4-5)
Emwa ni họn ẹmwẹ ne Jehova rhunmwuda wẹẹ iran hoẹmwẹ eni ẹnrẹn, keghi miẹn afiangbe nọkhua vbe obọ ọre (Psm 81:13, 16)
Ne uyinmwẹ ima mieke na sẹtin gha rhie uyi gie eni e Jehova, te ọ khẹke ne ima gi emwa rẹn wẹẹ, Osẹe Jehova ẹre ima khin
2. Emwi Ewe Ọghe Orhiọn
(Ifuanro 10)
-
Psm 80:1—Vbọzẹ na na zẹdia gha loo eni e Josẹf, ya rhie ihe eni ọghe ẹwae hia ni rre otọ Izrẹl? (it-2 111)
-
De emwi ewe ne u miẹn vbe Baibol na tiere vbe uzọla na, ne u gha hoo ne u guan kaẹn?
3. E Baibol Na Tie
(Ifuanro 4) Psm 79:1–80:7 (th iruẹmwi 10)
4. U Gha Khian Suẹn Gha Gu Emwa Guan
(Ifuanro 1) KE OWA YA SẸ OWA. Tama ọmwa ne u kporhu ma wẹẹ, u gha hoo ne u gha gu ẹre ruẹ e Baibol. (lmd iruẹmwi 4 uhunmwu ẹmwẹ 4)
5. U Gha Khian Suẹn Gha Gu Emwa Guan
(Ifuanro 3) IKPORHU ỌGHE ẸGHẸ KE ẸGHẸ. Tama ọmwa ne u kporhu ma wẹẹ, u gha hoo ne u gha gu ẹre ruẹ e Baibol. (lmd iruẹmwi 4 uhunmwu ẹmwẹ 3)
6. U Gha Khian Suẹn Gha Gu Emwa Guan
(Ifuanro 2) IKPORHU ỌGHE ADESẸ ORERE. Tama ọmwa ne u kporhu ma wẹẹ, u gha hoo ne u gha gu ẹre ruẹ e Baibol. (lmd iruẹmwi 3 uhunmwu ẹmwẹ 3)
7. Rhie Obọ Lelẹe
(Ifuanro 5) KE OWA YA SẸ OWA. Tama ọmwa nọ ma ka kue yọ na gha gu irẹn ruẹ e Baibol vbe ẹghẹ nọ gberra wẹẹ, u gha hoo ne u do gha gu ẹre ruẹ e Baibol; ọmwa na ghi gha re ọmwa nọ hoo nọ rẹn e Baibol sayọ. (lmd iruẹmwi 8 uhunmwu ẹmwẹ 3)
Ihuan 10
8. ‘Iran Gha Rhie Ọghọ Ne Eni Mwẹ’
(Ifuanro 15) Ọta na koko zẹ iro yan.
Ogba ọghe Idẹn, ẹre Esu na suẹn gha mu eni e Jehova rhia. Ke ẹghẹ nii gha dee, azẹ nọ ghi ru ekpataki sẹ, ne emwa nagbọn hia kevbe avbe odibosa gha ru, ọre deghẹ iran gha hia vbe odẹ ke odẹ, ne eni e Jehova gha re na kpe huan, ra iran i khian ru vberriọ.
Muẹn roro, ohoghe eso ne Esu ta khian vbekpa e Jehova. Ọ khare wẹẹ, ọmwa dan ẹre Jehova khin, kevbe wẹẹ ekhọe atosi ẹre ọ ya khaevbisẹ. (Gẹn 3:1-6; Job 4:18, 19) Ọ wẹẹ avbe emwa ni ga e Jehova ma gele hoẹmwẹ e Jehova. (Job 2:4, 5) Uhiẹn, ọ bibi emwa ọkhọngborrie odẹ nẹ, ne iran gha roro ẹre wẹẹ, ẹ i re Jehova ẹre ọ yi emwi hia ne mosee ne ima bẹghe vbe uhunmwu otagbọn na.—Rom 1:20, 21.
Vbọ ye ruẹ hẹ vbe ekhọe, vbe u gha họn avbe ohoghe na? Ọ sẹtin ya ruẹ gha hoo ne u sinmwi oseghe ne Jehova! E Jehova tobọre rẹnrẹn wẹẹ, emwa rẹn gha hoo ne iran rhie ọghọ ne eni irẹn, ra ne iran yae khian na kpe huan. (Yae taa Aizaia 29:23.) De odẹ eso ne uwẹ gha sẹtin ya rhie ọghọ ne eni e Jehova?
-
Ru iyobọ ne emwa ọvbehe ya do rẹn e Jehova, kevbe ne iran hoẹmwẹ ọnrẹn. (Jọn 17:25, 26) U ghi mu egbe ne u khian ya ru iyobọ ne emwa ya bẹghe osẹ nọ rhie ẹre ma wẹẹ, Osanobua gele rrọọ, u ghi vbe gi iran rẹn aro ọmwa ne Jehova khin.—Aiz 63:7
-
Ya otọ ẹko ruẹ hia hoẹmwẹ e Jehova. (Mat 22:37, 38) Gha họn ẹmwẹ ne Jehova, ẹ i wa re rhunmwuda wẹẹ ọ gha ya agbọn maan ruẹ, sokpan rhunmwuda wẹẹ, u hoo ne u gha ru emwi nọ gha ya e Jehova ghọghọ.—Itan 27:11
Kpee VIDIO na Ghẹ Gi Ahoẹmwọmwa Ọghuẹ Fafaa Agharhemiẹn Wẹẹ . . . U Rre Owebe Ne Emwa I Na Lele Uhi Osanobua. Iyeke ọni, u ghi we ne etẹn zẹ ewanniẹn ye avbe inọta na:
-
De vbene Ariel kevbe Diego ya sinmwi oseghe ne Jehova hẹ?
-
De emwi nọ gua iran kpa ya sinmwi oseghe ne Jehova?
-
Vbua khian ya sẹtin ya egbe taa iran hẹ?
9. Iruẹmwi E Baibol Ọghe Iko
(Ifuanro 30) bt uhunmwuta 15 ¶1-7 kevbe omuso ọghe abọ 6
