1. Osa ne ’rha mwa keghi mw’ahoẹmwọmwa

Nọ dinmwi ne ’mwa rẹn.

Ọ khẹke n’ima vbe gha lel’igiemwi

Ne Nọyanmwa wa rhie n’ima.

Ọ y’ukpọmọkpa n’irẹn wa hoẹmw’ọnrẹn

Ya zọese n’ima rhun’d’orukhọ ’ghomwa.

Ai mi’ahoẹmwọmwa nọ ghi wegbe s’ọna!

Ahoẹmwọmwa ẹr’Osa mwa khin.

2. Evbọ khẹke nọ n’ima gha y’ekhọe hia

Hoẹmw’etẹn ọghomwa.

Gia y’obọ nọ maan gha muavbe ’niwanrẹn,

Avb’igbama kevb’ibiẹka.

Mai khian sẹtin tae w’ima hoẹmw’Osa mwa,

Vben’a na miẹn wẹẹ, ma ma hoẹmw’etin ma.

Ma gha yab’iran vb’iran gha ruima khọ,

Osanobua ghi vbe yab’ima.

3. Vb’ẹd’okiekie na, ahoẹmwọmwa ne ’mwa

Nibun mwẹ wa worua.

Sokpan nọ n’ima ni rr’ugamwẹ ’mwata,

Ma wa lughaẹn ne ’mwa nagbọn.

A keghi rẹn ma y’ahoẹmwẹ nọ dinmwi

Kevbe nọ wegbe n’ima wa mwẹ daegbe.

Ma wa mw’akugbe, ma ruiyobọ ne ’gbe.

Ahoẹmwọmwa ẹr’ọ kuima gbe.