1. Jehova mẹ khian gha lele;

Ọsuohuan mwẹ ẹre nọ.

Ọ wa rẹn ’mwi nọ da mwẹ vb’orhiọn;

Ọ rẹn ’mwi n’I yaro yi.

Enọyanmwẹ keghi su mwẹ

L’odẹ ọgh’ọfunmwegbe.

’Rẹn keghi su mwẹ vb’od’ọgh’ẹmwata;

Ọ hoo ne ’gbe rọkhọ mwẹ.

’Rẹn keghi su mwẹ vb’odẹ ’mwata;

Ọ hoo ne ’gbe rọkhọ mwẹ.

2. T’ẹko ghi wa sẹ mw’ọyẹnmwẹ

Vb’odẹ ’mwata n’I la khian.

Lahọ ’rha mwẹ ghẹ gu mwẹ muẹn fua,

Imudiase ọghomwẹ.

Uhiẹn vb’ẹghẹ nọ suebiebi,

U keghi gbaroghe mwẹ.

De ’mwi nọ khian siafianma yọ mwẹ ’gbe,

Vben’u na gbogba ga mwẹ?

Vbọ khian ghi siafianma yọ mwẹ ’gbe,

Vben’u na gbogba ga mwẹ?

 3. Jehova, wẹ mẹ lele khian;

Ọsuohuan mwẹ ẹr’u khin.

U keghi rhi’ẹtin vb’ifuẹko mẹ.

U tu’afiangbe ruẹ yan mwẹ.

W’ọkpa ẹr’I wa muẹtin yan;

W’ọ khian sẹtin miẹn mwẹ fan.

Lahọ nu y’ekhọe ọgh’ahoẹmwọmwa

Su mwẹ vb’ẹdagbọn mwẹ hia.

Lahọ y’ekhọe ọgh’ahoẹmwọmwa

Su mwẹ vb’ẹdagbọn mwẹ hia.