IHUAN 75
Ghee Mwẹ Ne U “Gie Mwẹ!”
(Aizaia 6:8)
-
1. Emwa nibun keghi rhi’ozan
Ye ’ni ọgh’Osanobua mwa.
Eso wa y’Osa khiọn mwa dan.
Emwa nibun wa bibiodẹ.
D’ọmwa nọ gha rhiegbe ladian,
Nọ gha ya ruiyobọ n’iran?
(KORRỌS 1)
‘Nọyanmwa, ghee mwẹ nu gie mwẹ!
I gha ya t’ẹmwẹ ruẹ mairan.
Ukpamuyọmọ nọkhua na khin.
Ghee mwẹ nu gie mwẹ! Gie mwẹ!’
-
2. Emwa nibun yegbe fiohan
N’ẹbọ kẹkan na y’ekẹn ma.
Iran ma zẹdẹ y’Osa yi;
Iran keghi rr’uw’ebiebi.
D’ọmwa n’imẹ gha gie buiran,
Nọ ya gi’odẹ ’mwata mairan?
(KORRỌS 2)
‘Nọyanmwa, ghee mwẹ nu gie mwẹ!
I gha y’udinmwẹ guiran guan.
Ukpamuyọmọ nọkhua na khin.
Ghee mwẹ nu gie mwẹ! Gie mwẹ!’
-
3. Emw’ọmẹhẹ keghi wa khiẹ
Ye ’mwi dan nọ wa kpọ vb’agbọn.
Nibun keghi hoo n’iran rẹn
Vbekpae emwamwa ọgh’Osa.
D’ọmwa nọ wa mwẹ ’kh’itohan,
Nọ gha ya rhi’ ’fuẹko n’iran?
(KORRỌS 3)
‘Nọyanmwa, ghee mwẹ nu gie mwẹ!
I gha ya rhi’ ’giọdu n’iran.
Ukpamuyọmọ nọkhua na khin.
Ghee mwẹ nu gie mwẹ! Gie mwẹ!’
(Vbe ya ghee Psm 10:4; Ezik 9:4.)
