Ọ keghi kakabọ da ọmwa deghẹ ọmwa na mu ẹtin yan, na gha ru emwi nọ ma khẹke. Emwa ni bun ma ghi mu ẹtin yan . . .

•   emwa ni rre ukpo arriọba ni mu ọghe enegbe iran karo.

•   emwa ni winna vbe ugha iyẹn, rhunmwuda ne iran i na ta ẹmwata.

•   avbe umẹwaẹn nẹi mu ọghe emwa ọvbehe roro.

•   avbe ọkaolotu ugamwẹ, rhunmwuda ne iran na ye otu azẹ ike, ne iran gha te ya gha ru iwinna ne Osanobua waa iran re.

 Te ọ gele khẹke ne emwa gha begbe vbe aro emwa ne iran mu ẹtin yan, rhunmwuda, e Baibol khare wẹẹ:

•   “Wa ghẹ mu ẹtin yan ekaolotu emwa nagbọn; ọmwa nagbọn i ra sẹtin miẹn ruẹ fan.”—Psalm 146:3.

  E Baibol gi ima rẹn wẹẹ, orhunmwu ọkpa rrọọ ne ima gha sẹtin mu ẹtin yan, ọni ọre: Jesu Kristi. Jesu i wa re ọmwa esi nọ ghaa rrọọ vbe ukpo iyisẹn ni bun nọ gberra, te Osanobua zẹ ọre nọ gha re “Ọba . . . , Arriọba ọghẹe i khian sẹ ufomwẹ.” (Luk 1:32, 33) Jesu ọre Ọba ọghe Arriọba Osanobua, Arriọba na kha nẹ vbe ẹrinmwi.—Matiu 6:10.

•   U ghaa hoo ne u rẹn evbọzẹe nọ na khẹke ne u mu ẹtin yan e Jesu, ya tie avbe uhunmwuta na “Who Is the King of God’s Kingdom?” kevbe “What Will God’s Kingdom Accomplish?”