Vbe ẹdẹ Satọde April 13, 2024, António Guterres nọ re Secretary-General ọghe United Nations ghi guan kaẹn okuo ne Israel vbe Iran khọn, ọ na wẹẹ: “Ẹghẹ na ẹre ọ wa khẹke na ya ru emwi nẹi khian ya okuo na tua sayọ, kevbe na gha mwẹ uyinmwẹ a da egbe ọmwa yi.

 Okuo nọ rre Middle East, keghi re ọkpa vbe okuo nọ sunu vbe ehe hia vbe otagbọn.

 Vbe January 26, 2023 Security Council ọghe United Nations keghi kha wẹẹ: “Ẹghẹ na ẹre emwa ghi ya rhie oya sẹ ba mwẹ okuo, ke obọ na ya khọn Okuo Ọgbagbọn Nogieva kevbe wẹẹ, emwa ni re ẹbo eva (2 billion) ẹre ọ rhie oya ba mwẹ okuo—ọni nọ wẹẹ, a gha viọ orhunmwu enẹ ladian, ọkpa vbe uwu iran keghi rhie oya rhunmwuda okuo.”

 Otọ ẹvbo eso na na wa kakabọ khọn okuo, ọre: Israel, Gaza, Syria, Azerbaijan, Ukraine, Sudan, Ethiopia, Niger, Myanmar, and Haiti. a

 Igbinna oguo gha fo ẹdẹ ra? Emwa ni rre ukpo arriọba gha sẹtin rhie ọfunmwegbe rre ra? De emwi ne Baibol tae?

 Okuo ne emwa khọn vbe ehe ughughan vbe uhunmwu otagbọn, rhie ẹre ma wẹẹ, okuo gha rherhe sẹ ufomwẹ. Avbe okuo na, keghi re ẹmwẹ akhasẹ ne Baibol tae yotọ wẹẹ, ọ gha sunu vbe ẹghẹ ne ima ye na. “Ẹghẹ ufomwẹ agbọn” ẹre Baibol tie ẹghẹ ni ma ye na.—Matiu 24:3.

•   “Wa gha họn vbe emwa ghaa khọn okuo, wa gha vbe họn iyẹn ọghe okuo ne emwa khọn vbe ihe ọvbehe. . . . Agbẹnvbo ghi gha gu agbẹnvbo khọn, arriọba ghi vbe gha gu arriọba khọn.”—Matiu 24:6, 7.

 Ya tie uhunmwuta nọ khare wẹẹ, “What Is the Sign of ‘the Last Days,’ or ‘End Times’?” ne u mieke na bẹghe vbene avbe okuo ne emwa khọn vbe ẹdẹnẹrẹ ya mu ẹmwẹ akhasẹ sẹ.

 E Baibol tae yotọ wẹẹ, okuo gha fo. De vbene ọna khian ya sunu hẹ? Ẹ i re ẹtin emwa nagbọn, sokpan okuo Amagẹdọn nọ re, “ẹdẹ nọkhua ọghe Osanobua ne Oghodua.” (Arhie maan 16:14, 16) Okuo na gha ghi fo nẹ, Osanobua ghi mu eyan nọ yan rẹn sẹ, emwa nagbọn ghi do gha rrọọ vbe ọfunmwegbe vbe etẹbitẹ.—Psalm 37:10, 11, 29.

 Deghẹ u hoo ne u rẹn sayọ, vbekpa okuo ne Osanobua khian ya mu ufomwẹ ye okuo hia, ya tie uhunmwuta na, “What Is the Battle of Armageddon?”