Okpẹhoho nọ la, nọ ghi ya amẹ vuọn ehe hia, vbe Democratic Republic of the Congo vbe central Africa, wa ya agbọn lọghọ emwa ni rre ẹvbo nii. Iyẹn nọ ke abotu ọghe Avbe Osẹe Jehova nọ rre Congo (Kinshasa) rre ọre wẹẹ, obọ wa da Avbe Osẹe Jehova nibun ni rre otọ ẹvbo na. Ọ keghi wa da ima wẹẹ, okpamẹ na gbe ọtẹn ima nokpia ọkpa nọ rre Kinshasa.

Iyẹn nọ ke abotu ọghe Congo (Kinshasa) rre na ọna khin:

• Vbe odẹ ahọ ọghe ẹvbo Kasai, ẹhoho nọ wegbe nọ la kevbe okpamẹ nọ rhọ re, guọghọ owa ọghe ẹgbẹe ehan ni re Osẹe Jehova.

• Te amẹ wa mu Ọgua Arriọba nọ rre odẹ okuọ ọghe Sud-Ubangi. Iko eha ẹre ọ ghaa loo Ọgua Arriọba nii, vbene etẹn 69 na gha ya iyẹn wewe. Amẹ vbe mu owa ọghe ẹgbẹe 22 ni rre ikinkin nii. Abotu na ghi wẹẹ ne arọndẹ ne kpataki ọkpa kevbe ọdiọn ọkpa, ya ya e Baibol rhie igiọdu ne etẹn na, kevbe ne iran viọ emwi ne etẹn na gha ya gaga egbe ne iran.

• Vbe Tshopo, etẹn ne owa iran rre ọkpẹ ẹzẹ ọghe Congo, lẹ hin owa iran rre rhunmwuda okpamẹ na. Gberra ọni, amẹ vbe mu Ọgua Arriọba ọkpa nọ vbe rre olẹga nii.

• Odekun ẹrhia na vbe sunu da ẹgbẹe ni rrie odẹ 80, ni rre iko ughughan vbe Kinshasa.

Ne etẹn ghẹ mieke na mu emianmwẹ rhunmwuda iku kevbe iruẹn ne amẹ na kun la ẹvbo, abotu na ghi ru emwamwa ọghe vbene etẹn gha ya gbaroghe egbe iran hẹ.

Agharhemiẹn wẹẹ emwi wa gha lọghọ etẹn na, te iran ye gha ya emwi ne iran mwẹ ru iyọbọ ne egbe, vbe na ghee evbare kevbe ukpọn. Abotu vbe ru emwamwa ọghe Agbaziro ni ru iyobọ ne emwa ni miẹn odekun ẹrhia.

Ma rẹnrẹn wẹẹ, erhunmwu ọghomwa ne ima na kevbe iyobọ nọ ke obọ otu ọghe Jehova rre, gha ‘fu iran ni khiẹ ẹko rre’ vbe ẹghẹ nọ wegbe na.​—Aizaia 61:​1, 2.