Avbe Osẹe Jehova ni rre otagbọn hia gha si egbe koko vbe ẹdẹ Tiuzde, April 7, 2020, ne iran mieke na do iko nọ ghi ru ekpataki sẹ, na do ukpukpo, ọni ọre Ugie Ayere Ọghe Uwu Jesu. Sokpan rhunmwuda COVID-19, ma i khian sẹtin si egbe koko do ugie na vbene ima ka ru ẹre deyi. Emwa nibun vbe uhunmwu otagbọn hia gha ya efoni ra e kọmputa na la bẹghe egbe na tiẹre (videoconference) ya do ugie na.

Emianmwẹ na, ẹre ọ ya Arriọba ọghe ẹvbo ughughan dobọ iko na do yi zẹvbe ẹbu. Rhunmwuda ọni, te iko nibun ghi ya efoni ra e kọmputa na ya bẹghe egbe do iko vbe uzọla uzọla. Obẹlẹ na ẹre Avbe Osẹe Jehova nibun khian vbe ya do Ugie Ayere Ọghe Uwu Kristi. Nọ ne emwa nẹi re Osẹe Jehova, a gha mu e vidio ọghe ọta na rrẹkọdi nẹ ye jw.org.

Emwa ni gberra ẹbo 20 ẹre ọ yo Ugie Ayere vbe ukpo nọ gberra. Ma vbe yaro yọ wẹẹ, ẹbo emwa nibun gha vbe sẹtin ya avbe obẹlẹ na ya do ugie ayere: e vidio na la bẹghe egbe, e tẹlifon ra e vidio na rrẹkọdi nẹ nọ rre jw.org.

Emianmwẹ na wa vẹwae khian vbe otọ ẹvbo nibun, erriọ vbe ya gbele emwa. Ọ khẹke ne ima lelẹe khuankhuankhuan avbe ilele ni ke obọ arriọba rre nọ dekaẹn emianmwẹ na, a te miẹn wẹẹ emwi hia dunna. Ọrheyerriọ, ma yayi wẹẹ e Jehova gha ru iyobọ ne ima; ma vbe ta mu olọ yan rẹn nẹ wẹẹ, ima gha lele iyi ọghe Jesu nọ khare wẹẹ, “uwa gha ru ọna ya ye mwẹ rre.”—Luk 22:19.